Alqaly jıynǵa memleket jáne qoǵam qaıratkerleri, Mádenıet jáne aqparat mınıstrliginiń ókilderimen qatar qalamgerler qatysty. Tusaýkeser tizginin fılologııa ǵylymdarynyń doktory, Májilis depýtaty Amanjol Áltaı ustap, qatysýshylar jańa jınaq haqynda oılarymen bólisti.
Aıta keteıik, «Alyp Abaı» – tutastaı Abaı aýdarmashylyǵyna arnalǵan tuńǵysh kitap. Osy ýaqytqa deıin Abaıdyń aýdarmashylyǵyna qatysty 1954 jyly Zákı Ahmetovtiń «Lermontov ı Abaı» atty zertteýi shyqqan bolatyn. Ol kitapta Abaıdyń Lermontovtan jasaǵan aýdarmalary aıryqsha taldanǵan edi. Al Saýytbek Abdrahmanovtyń bul kitabynda Abaı aýdarmalary túgeldeı derlik qamtylǵan. Atap aıtsaq, Pýshkın, Lermontov, Krylov, Gete, Baıron, Shıller, Mıskevıch, Polonskıı Delvıg, Býnınderdiń óleńderi nazardan tys qalmaǵan.
«Abaıdyń aýdarmalaryna arnalǵan jalǵyz kitap osydan 71 jyl buryn shyqqan eken. Ol – 1954 jyly Zákı Ahmetovtiń «Lermontov ı Abaı» degen kitaby. Sol olqylyqtyń ornyn toltyrýǵa qyzmet etetin kitap meniń «Alyp Abaıym». Abaı shyǵarmashylyǵynyń úlken bir arnasy aýdarmashylarǵa tolyq dárejede qamtylyp otyr», deıdi avtor.
Kitap qazaq, orys, aǵylshyn tilderinde jaryq kórip otyr. Kólemi – 600 bet. Jańa jınaqtyń bıylǵy Abaıdyń 180 jyldyǵyna oraı jaryqqa shyqqanyn eske salaıyq. Erekshe eńbek – abaıtaný ǵylymynda aqynnyń aýdarmashylyǵyn zerdeleýge qosylǵan súbeli úles.
