Sýretti túsirgen – Erlan OMAR, «EQ»
Memlekettiń, jalpy qoǵamnyń ortaq maqsaty – múgedektigi bar adamdardy músirkemeı, alalamaı, qoǵamǵa beıimdeý. Iаǵnı olardyń ómir súrý sapasyn arttyryp, qoǵamda jalǵyz, jat sezinbeýine yqpal etý. Biz aıtqaly otyrǵan ınvataksı qyzmetindegi ózgerister múgedektigi bar adamdardy qoldaýǵa baǵyttalǵan úlken jumystyń bir tarmaǵy ǵana.
Bıyl erekshe qajettilikteri bar adamdarǵa ınvataksı qyzmetin kórsetý kezinde taksı agregatorlaryn paıdalaný jónindegi qanatqaqty joba bastalǵan-dy. Sonyń sheńberinde Astana, Almaty qalalarynda 443,9 myń qyzmet kórsetilgen. Iаǵnı eki iri qalada osynsha adam ınvataksı qyzmetin paıdalanǵan. Byltyr múgedektigi bar adamdarǵa ınvataksı qyzmeti 207,2 myń ret kórsetilgen.
Engizilgeli otyrǵan ózgeristegi basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. Iаndeks kompanııasy qanatqaqty jobaǵa óteýsiz negizde qatysýǵa nıet bildirgen. Joba sheńberinde azamattar Iаndeks Go mobıldi qosymshasy arqyly ınvataksı qyzmetin qoldana alady. Bul qyzmetti alýshyǵa kólikti tezirek tańdaýǵa, onlaın rejimde tapsyrys mártebesin qadaǵalaýǵa, jasalǵan saparlarǵa monıtorıng jasaýǵa múmkindik beredi. Qosymshada múgedektigi bar adamdardyń júrgizýshige sapardaǵy erekshe qajettilikteri týraly eskertetin arnaıy múmkindikter ekrany iske qosyldy. О́z kezeginde júrgizýshiler jolaýshyny kólikke otyrǵyzý, odan túserde qalaı kómek kórsetýge bolatyny sekildi arnaıy nusqaýlar alady.
Eńbek jáne halyqty áleýmettik qorǵaý mınıstrligi ákimdiktermen birlesip ınvataksı qyzmetine taǵy bir ózgertý engizý týraly sheshim qabyldady. Endi azamattar ınvataksı qyzmetin alardan bir kún buryn smartfon arqyly jazylýy qajet. Sapardy aldyn ala josparlaý degenge kópshilik qyryn qaraýy múmkin. Biraq kóp qalada ınvataksı qyzmetterin usynatyn kólik quraldarynyń tapshylyǵy bar ekenin eskergen durys. Osy turǵydan alǵanda sapardy aldyn ala josparlaý júrgizýshige de, jolaýshyǵa da tıimdi.
Invataksı shaqyrarda jedeldik pen sapaǵa kepil bolatyn jobany aldaǵy ýaqytta Astana, Almaty qalalarymen qatar, elimizdiń basqa óńirine de taratý josparlanyp otyr.
