Sý sporty • 09 Jeltoqsan, 2025

Ońtústik óńirlerde sýarmaly sýdyń tapshylyǵy 1 mlrd tekshe metrge jetýi múmkin

30 ret

kórsetildi

1 mın

oqý úshin

Premer-mınıstrdiń orynbasary Qanat Bozymbaev Úkimet otyrysynda ońtústik óńirlerde sý tapshylyǵy 1 mlrd tekshe metrge deıin jetýi múmkin ekenin habarlady. Onyń aıtýynsha, Shardara sý qoımasyna keletin sý kólemi 43%-ǵa qysqarǵan, al Naryn-Syrdarııa kaskadynyń iri rezervýarlaryndaǵy sý qorlary byltyrǵydan 3,8 mlrd tekshe metrge tómendegen, dep habarlaıdy Egemen.kz.

Qyrmyzy JUMAǴALIQYZY

Ońtústik óńirlerde sýarmaly sýdyń tapshylyǵy 1 mlrd tekshe metrge jetýi múmkin

Foto: Ashyq derekkóz

Sý tapshylyǵyn boldyrmaý maqsatynda Aýyl sharýashylyǵy mınıstrligi men Sý mınıstrligi jaqyn arada sýdy paıdalanýǵa naqty lımıtter engizýdi josparlap otyr. Fermerlerge egistikterdiń qurylymyn qaıta qarap, sý kóp qajet etpeıtin daqyldarǵa kóshý usynylady.

Sonymen qatar ár oblysta ylǵal saqtaýǵa arnalǵan ınnovasııalyq preparattardy synaý úshin tájirıbelik ýchaskeler bólý josparlanǵan.

«2026 jyldyń vegetasııalyq kezeńinde keletin boljamdy sý aǵyny nebári 1-1,5 mlrd tekshe metrge baǵalanyp otyr. Bul 1 mlrd tekshe metrge deıin tapshylyq qaýpin týdyrady. Birqatar oblysta 2025 jyly ylǵal kóp qajet etetin daqyldardy qysqartý boıynsha josparly kórsetkishter oryndalmady. Oblys ákimdikteri vegetasııalyq kezeń bastalǵanǵa deıin agrarshylar arasynda sý shyǵyny az daqyldarǵa kóshý qajettiligi týraly túsindirý jumystaryn júrgizýi tıis», dedi Qanat Bozymbaev.