Baıqaý shymyldyǵyn Aqtoǵaı jáne Baıanaýyl ónerpazdary túrdi. О́ner saıysyn uıymdastyrýshy, «Shańyraq» oblystyq ortalyǵynyń dırektory Zamıra Soltanova ónerpazdarǵa sáttilik tilep, joba óńir ónerpazdary arasyndaǵy shyǵarmashylyq baılanysty nyǵaıtatynyn atap ótti.
«О́ner dodasy» baıqaýy óńir-óńirdi jarystyrýdy ǵana emes, tabystyrýdy kózdeıdi. Qazaq «el ishi – óner kenishi» degen. Sol kenishti aqtaryp, halyq aldyna usynsaq, talapty jandardyń talantyn ushtasaq degen nıetten osy bir saıys bastaý aldy» dedi ol.
Aqtyq kezeńge shyqqan Ekibastuz qalasy men Pavlodar aýdanynyń ónerpazdary 7 aınalym boıy deńgeıleriniń joǵary ekenin dáleldedi. Qatysýshylar dástúrli án, terme, kúı, aıtys, halyqtyq ansambl, sırek kezdesetin aspap jáne halyqtyq bı atalymdary boıynsha kil myqtyny anyqtady.
О́ner jarysynyń nátıjesi boıynsha bas júldeni ekibastuzdyq ónerpazdar qanjyǵalap, 2 mıllıon teńgelik sertıfıkatpen marapattaldy. Al Pavlodar aýdanynyń namysyn qorǵaǵan ujym birinshi oryndy ıelendi. Ekinshi orynǵa Tereńkól aýdanynan kelgen ujym ıe bolsa, júldeli úshinshi orynǵa Ýspen aýdanynyń ónerpazdary laıyqty dep tanyldy.
Jeti kezeńdegi saıyskerlerdiń ónerine jergilikti mádenıet qaıratkerleri, óńirge tanymal aqyndar men sazgerler, ánshi-kúıshiler qazylyq etip, baǵa berdi.
Eldiń abyroıyn asqaqtatatyn sala – óner. Al óner adamyna qoldaý kórsetý siz ben bizdiń basty mindetimiz bolýǵa tıis. Ulttyq ónerge qoldaý kórsetken aýdan-qala basshylary búgin sonyń jemisin kórdi», dep atap ótti óńirlik mádenıet, tilderdi damytý jáne arhıv isi basqarmasynyń basshysy Medet Taýasqan.
Pavlodar oblysy
