Foto: shutterstock.com
Paıyzdyq ólshem kórsetkishi boıynsha baspana baǵalarynyń qarasha aıyndaǵy ózgeristeri
Baspana baǵalarynyń ósýi – Aqtóbe (+4,3%), Almaty (3,5%), Astana (3,2%), Taldyqorǵan (2,3%), Kókshetaý (+2,1%) qalalary boıynsha tirkelip otyr. Sonymen qatar Qaraǵandy, Pavlodar, Qostanaı qalalarynda (0,2-0,8%) ósim baıqalǵan.
Al Shymkent, Aqtaý, Atyraý, Jezqazǵan, Qyzylorda, Oral, О́skemen, Petropavl, Semeı, Taraz, Túrkistan qalalary boıynsha ósim tirkelmegen.
Al baǵanyń tómendeýi turǵysynda bir ǵana qala tirkeldi, ol – Qonaev qalasy (0,2%).
1 sharshy metr neshe teńgeni qurap otyr?
Bıyl qarasha aıynda respýblıka boıynsha jańa turǵyn úıdiń 1 sharshy metriniń ortasha baǵasy 568 813 teńgege jetken. Bul baǵa kórsetkishi – osy jyldyń qazan aıymen salystyrǵanda 13 652 teńgege qymbat.
1 sharshy metr boıynsha eń qymbat baǵa – Almaty qalasy (690 668 teńge). Odan keıin Astana (671 200 teńge), Atyraý (521 361 teńge), Shymkent (518 364 teńge), Semeı (467 745 teńge).
Al 1 sharshy metr boıynsha eń qoljetimdi baǵalar 3 qalada saqtalyp otyr: Oral (299 155 teńge), Aqtóbe (327 514 teńge), Túrkistan (338 637 teńge).
1 jyl ishindegi páter baǵasyndaǵy ózgerister
2024 jyldyń qarasha aıymen salystyrǵanda jyldyq ósim 15,5%-dy qurady.
Almaty qalasynda 1 jyl ishinde páter baǵasy 19,9%-ǵa kóterilgen.
Aıtarlyqtaı ósim baıqalǵan qalalar:
- Pavlodar: +19,6%;
- Qonaev: +17,5%;
- Astana: +17,4%.
Eń tómen ósim kórsetkender:
- О́skemen: +1,3%;
- Petropavl: +2,6%;
- Jezqazǵan: +5,3%.
Jańa turǵyn úı keshenderi jáne baǵalar týraly aqparatty Krisha.kz saıtynyń «Jańa qurylystar» bóliminen tabasyz.
