Qazaqstan Respýblıkasy Bilim jáne ǵylym mınıstrliginiń buıryǵy  №144

2015 jylǵy 31 naýryz, Astana qalasy «Shetelge, onyń ishinde akademııalyq oralymdylyq sheńberinde oqýǵa jiberý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 19 qarashadaǵy № 613 buıryǵyna ózgeris engizý týraly «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 41) tarmaqshasyna sáıkes buıyramyn: 1. «Shetelge, onyń ishinde akademııalyq oralymdylyq sheńberinde oqýǵa jiberý qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 19 qarashadaǵy № 613 buıryǵyna (Normatıvtik quqyqtyq aktilerdi memlekettik tirkeý tiziliminde № 5499 bolyp tirkelgen, «Zań gazetiniń» 2009 jylǵy 10 aqpandaǵy № 20 (1443) sanynda jarııalanǵan) mynadaı ózgeris engizilsin: kórsetilgen buıryqpen bekitilgen Shetelge, onyń ishinde akademııalyq oralymdylyq sheńberinde oqýǵa jiberý qaǵıdalarynda: 6-tarmaq mynadaı redaksııada jazylsyn: «6. Úmitkerlerdi irikteýdiń negizgi ólshemderi: 1) shet tilin bilý deńgeıi; 2) bilim týraly qujattyń ortasha baly; 3) bilim alýshylardyń akademııalyq kezeńniń qorytyndysy boıynsha aǵymdaǵy úlgerimi.». 2. Joǵary, joǵary oqý ornynan keıingi bilim jáne halyqaralyq yntymaqtastyq departamenti (J.K.Shaımardanov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) Qazaqstan Respýblıkasy Ádilet mınıstrliginde memlekettik tirkeýden ótken soń osy buıryqty resmı jarııalaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O.Balyqbaevqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A. SÁRINJIPOV. Buıryq Qazaqstan Respýblıkasynyń Ádilet mınıstrliginde 2015 jylǵy 30 sáýirdegi Normatıvtik quqyqtyq kesimderdi memlekettik tirkeýdiń tizilimine №10017 bolyp engizildi.