Foto: Qarjy naryǵyn retteý jáne damytý agenttigi
Qarjy retteýshisiniń negizgi sharalarynyń ishinde aktıvterdiń sapasyn turaqty baǵalaý (AQR), SREP qadaǵalaý modeline kóshý, bankter qyzmetindegi táýekelderdi shekteý jáne tutynýshylyq kredıt berýdiń ósý qarqynyn baqylaý sharalary atap ótildi. Bıylǵy jyldyń qorytyndysy boıynsha agenttik sarapshylary bólshek kredıt berýdiń ósýiniń 18-20%-ǵa deıin baıaýlaýyn kútedi.
S&P kelesi jyly tólemge qabiletsiz bankterdi retteýdiń jańa tetigin engizý, onyń ishinde júıelik mańyzy bar bankter úshin kapıtalǵa aınaldyrylýǵa jatatyn mindettemelerdiń eń tómengi deńgeıin engizý josparlanyp otyrǵanyn atap ótti. Bul ózgerister qadaǵalaý sapasyn odan ári jaqsartýǵa áser etýi múmkin.
S&P esebine sáıkes, Qarjy naryǵyn retteý men damytý agenttigi qabyldaǵan sharalar yqtımal daǵdarys jaǵdaılarynyń jáne bank júıesindegi operasııalyq irkilisterdiń aldyn alýǵa múmkindik berdi. Agenttik sarapshylary sektordyń makroekonomıkalyq táýekelderge ornyqtylyǵyn, sondaı-aq problemalyq kredıtter deńgeıiniń tómendigin (2025 jyly 5,5-6,0%) jáne rezervtermen qamtý deńgeıiniń joǵary (shamamen 55%) ekenin atap ótti.
Esepte S&P Global Ratings halyqaralyq reıtıngtik agenttigi retteýshilik jáne qadaǵalaý bastamalary sheńberinde odan ári ilgerileý bolǵan jaǵdaıda salalyq táýekel baǵasyn jaqsartýǵa daıyn ekeni aıtylǵan.
