Polshadaǵy saılaý: exit poll málimeti boıynsha ekinshi týr bolady

ASTANA. 11 mamyr. Polshada keshe, jeksenbi kúni ótken prezıdent saılaýy, exit poll málimetteri boıynsha, ekinshi týrǵa aýysatyn bolyp otyr. Bul týraly TASS habarlady. Birinshi týrda kútpegen jerden «Quqyq jáne ádildik» partııasynan memleket basshylyǵyna talasyp jatqan Andjeı Dýda is basyndaǵy prezıdent Bronıslav Komorovskıden sál ǵana basymdyqpen jeńiske jetti. Biraq úmitkerlerdiń birde-biri 50 paıyzdan joǵary daýys ala alǵan joq. Prezıdent saılaýynyń ekinshi týry endi 24 mamyr kúni ótedi. Al IPSOS zertteý ortalyǵynyń exit poll málimeti boıynsha, jeksenbi kúni saılaýshylardyń 34,8 paıyzy Andjeı Dýdaǵa, 32,2 paıyzy Bronıslav Komorovskıge daýys bergen. Sarapshylar exit poll nátıjesi Andjeı Dýdany Polsha prezıdenttigine kandıdat etip usynǵan Iаroslav Kachınskıdiń «Quqyq jáne ádilettilik» partııasy shtabynda naǵyz saıası sensasııa retinde qabyldanyp, úlken qýanysh týǵyzyp jatqanyn aıtyp otyr. Sol sııaqty táýelsiz kandıdat Pavel Kýkızdiń 20,3 paıyz daýys alǵany taǵy bir sensasııa sanalýda. Budan ári Iаnýsh Krvın-Mıkke – 4,4, Magdalena Ogýrek 2,4 paıyzben keledi. Murat Aıtqoja. Derek, sýret: RIA Novostı.