Qazaqstan Respýblıkasynyń Ulttyq Banki Basqarmasynyń qaýlysy  № 27 

2015 jylǵy 25 aqpan, Almaty qalasy Qazaqstan Respýblıkasynyń keıbir normatıvtik quqyqtyq aktilerine bank qyzmetin retteý máseleleri boıynsha ózgerister engizý týraly Qazaqstan Respýblıkasynyń normatıvtik quqyqtyq aktilerin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Ekinshi deńgeıdegi bankter úshin prýdensıaldyq normatıvter esep aıyrysýlarynyń normatıvtik máni men ádistemesi týraly nusqaýlyqty bekitý týraly» 2005 jylǵy 30 qyrkúıektegi № 358 qaýlysyna (Normatıvtik quqyqtyq aktilerdi memlekettik tirkeý tiziliminde № 3924 tirkelgen) mynadaı ózgeris engizilsin: kórsetilgen qaýlymen bekitilgen Ekinshi deńgeıdegi bankter úshin prýdensııalyq normatıvter esep aıyrysýlarynyń normatıvtik máni men ádistemesi týraly nusqaýlyqta: 53-8-tarmaq mynadaı redaksııada jazylsyn: «53-8. Qarjylyq eseptiliktiń halyqaralyq standarttaryna sáıkes qalyptastyrylǵan rezervter (provızııalar), banktiń ishki mindettemeleri, rettelgen borysh, merzimsiz qarjy quraldary jáne bank shyǵarǵan boryshtyq baǵaly qaǵazdar eskerile otyryp eseptelgen ishki aktıvterdiń ortasha aılyq shamalary banktiń ishki aktıvteriniń, ishki mindettemeleriniń jalpy somasynyń, rettelgen boryshtyń, merzimsiz qarjy quraldarynyń jáne merzimi ótken bereshek, eseptelgen syıaqy, dıskonttar, syılyqaqylar, oń (teris) túzetýler eskerile otyryp bank shyǵarǵan boryshtyq baǵaly qaǵazdardyń tıisti esepti aıdyń jumys kúnderiniń sanyna qatynasy retinde esepteledi. Menshikti kapıtaldyń ortasha aılyq shamasy esepti kezeńniń árbir jumys kúnindegi jaǵdaı boıynsha menshikti kapıtal somasynyń tıisti esepti kezeńniń jumys kúnderiniń sanyna qatynasy retinde esepteledi. Bankter qarajatynyń bóligin ishki aktıvterge ornalastyrý koeffısıentin esepteý maqsattary úshin menshikti kapıtal býhgalterlik balanstyń derekterine sáıkes, 2015 jylǵy 1 qańtardaǵy jaǵdaı boıynsha Qazaqstan Respýblıkasynyń rezıdenti emes enshiles uıymdardyń rettelgen boryshyna ınvestısııalar mólsherinen aspaıtyn Qazaqstan Respýblıkasynyń rezıdenti emes enshiles uıymdardyń rettelgen boryshyna ınvestısııalar shegerile otyryp, sondaı-aq Qazaqstan Respýblıkasynyń rezıdenti emes enshiles uıymdardyń aksııalaryna ınvestısııalar shegerile otyryp, mynadaı mólsherlerde paıdalanylady: júıe quraýshy bankterdi qospaǵanda, bankter úshin: 2014 jylǵy 1 qazannan bastap – 0,7-ge kóbeıtilgen balanstyq menshikti kapıtaldyń máni; 2015 jylǵy 1 sáýirden bastap – 0,85-ge kóbeıtilgen balanstyq menshikti kapıtaldyń máni; júıe quraýshy bankter úshin: 2015 jylǵy 1 qańtardan bastap – 0,3-ke kóbeıtilgen balanstyq menshikti kapıtaldyń máni; 2015 jylǵy 1 sáýirden bastap – 0,85-ge kóbeıtilgen balanstyq menshikti kapıtaldyń máni.». 2. Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Islam bankterine arnalǵan prýdensıaldyq normatıvter, olardyń normatıvtik mánderi jáne esepteý ádistemesi týraly nusqaýlyqty bekitý týraly» 2009 jylǵy 27 naýryzdaǵy № 66 qaýlysyna (Normatıvtik quqyqtyq aktilerdi memlekettik tirkeý tiziliminde № 5670 tirkelgen) mynadaı ózgeris engizilsin: kórsetilgen qaýlymen bekitilgen Islam bankterine arnalǵan prýdensıaldyq normatıvter, olardyń normatıvtik mánderi jáne esepteý ádistemesi týraly nusqaýlyqta: 57-tarmaq mynadaı redaksııada jazylsyn: «57. Qarjylyq eseptiliktiń halyqaralyq standarttaryna sáıkes qalyptastyrylǵan rezervter (provızııalar), banktiń ishki mindettemeleri, rettelgen borysh, merzimsiz qarjy quraldary jáne bank shyǵarǵan boryshtyq baǵaly qaǵazdar eskerile otyryp eseptelgen ishki aktıvterdiń ortasha aılyq shamalary banktiń ishki aktıvteriniń, ishki mindettemeleriniń jalpy somasynyń, rettelgen boryshtyń, merzimsiz qarjy quraldarynyń jáne merzimi ótken bereshek, eseptelgen syıaqy, dıskonttar, syılyqaqylar, oń (teris) túzetýler eskerile otyryp bank shyǵarǵan boryshtyq baǵaly qaǵazdardyń tıisti esepti aıdyń jumys kúnderiniń sanyna qatynasy retinde esepteledi. Menshikti kapıtaldyń ortasha aılyq shamasy esepti kezeńniń árbir jumys kúnindegi jaǵdaı boıynsha menshikti kapıtal somasynyń tıisti esepti kezeńniń jumys kúnderiniń sanyna qatynasy retinde esepteledi. Bankter qarajatynyń bóligin ishki aktıvterge ornalastyrý koeffısıentin esepteý maqsattary úshin menshikti kapıtal býhgalterlik balanstyń derekterine sáıkes, 2015 jylǵy 1 qańtardaǵy jaǵdaı boıynsha Qazaqstan Respýblıkasynyń rezıdenti emes enshiles uıymdardyń rettelgen boryshyna ınvestısııalar mólsherinen aspaıtyn Qazaqstan Respýblıkasynyń rezıdenti emes enshiles uıymdardyń rettelgen boryshyna ınvestısııalar shegerile otyryp, sondaı-aq Qazaqstan Respýblıkasynyń rezıdenti emes enshiles uıymdardyń aksııalaryna ınvestısııalar shegerile otyryp, mynadaı mólsherlerde paıdalanylady: júıe quraýshy bankterdi qospaǵanda, bankter úshin: 2014 jylǵy 1 qazannan bastap – 0,7-ge kóbeıtilgen balanstyq menshikti kapıtaldyń máni; 2015 jylǵy 1 sáýirden bastap – 0,85-ge kóbeıtilgen balanstyq menshikti kapıtaldyń máni; júıe quraýshy bankter úshin: 2015 jylǵy 1 qańtardan bastap – 0,3-ke kóbeıtilgen balanstyq menshikti kapıtaldyń máni; 2015 jylǵy 1 sáýirden bastap – 0,85-ge kóbeıtilgen balanstyq menshikti kapıtaldyń máni.». 3. 2015 jylǵy 1 mamyrǵa bankter qarajatynyń bóligin ishki aktıvterge ornalastyrý koeffısıentiniń 1-den (bir) az máni bar ekinshi deńgeıdegi bank úshin bankter qarajatynyń bóligin ishki aktıvterge ornalastyrý koeffısıentiniń talaptaryn oryndaý Qazaqstan Respýblıkasynyń Ulttyq Bankine is-sharalar josparyn usyný jáne qoıylatyn talaptary osy qaýlynyń 4-tarmaǵynda belgilengen, kórsetilgen is-sharalar josparynda belgilengen mánderdi saqtaý bolyp tabylady. Is-sharalar jospary 2015 jylǵy 1 sáýirden bastap 5 (bes) aı ishinde qoldanylady. 4. Osy qaýlynyń maqsattary úshin is-sharalar josparyna mynadaı talaptar belgilenedi: 1) normatıvtik mánderdiń boljamy, osy boljamnyń negizdemesi jáne banktiń qyzmetine teris yqpaly qamtylady; 2) bankter qarajatynyń bóligin ishki aktıvterge ornalastyrý koeffısıentiniń mánin normatıvtik mánnen asatyn deńgeıge deıin jetkizý sharalary; 3) is-sharalar josparynyń oryndalýy úshin jaýapty laýazymdy tulǵalar boıynsha aqparat qamtylady. Is-sharalar josparyn Qazaqstan Respýblıkasynyń Ulttyq Banki maquldaıdy. Qazaqstan Respýblıkasynyń Ulttyq Banki is-sharalar josparyn maquldamaǵan jaǵdaıda bankter qarajatynyń bóligin ishki aktıvterge ornalastyrý koeffısıenti oryndalmaǵan bolyp esepteledi. 5. Baqylaý jáne qadaǵalaý ádisnamasy departamenti (Ábdirahmanov N.A.) zańnamada belgilengen tártippen: 1) Quqyqtyq qamtamasyz etý departamentimen (Dosmuhambetov N.M.) birlesip osy qaýlyny Qazaqstan Respýblıkasy Ádilet mınıstrliginde memlekettik tirkeýdi; 2) osy qaýlyny Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń ınternet-resýrsyna ornalastyrýdy qamtamasyz etsin. 6. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin. 7. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary Q.B. Qojahmetovke júktelsin. 8. Osy qaýly 2015 jylǵy 1 sáýirden bastap qoldanysqa engiziledi jáne resmı jarııalanýǵa tıis. Ulttyq Bank Tóraǵasy Q. KELIMBETOV. Qaýly Qazaqstan Respýblıkasynyń Ádilet mınıstrliginde 2015 jylǵy 14 sáýir Normatıvtik quqyqtyq kesimderdi memlekettik tirkeýdiń tizilimine №10714 bolyp engizildi.