Áýejaıda Qasym-Jomart Toqaev pen Gýrbangýly Berdimuhamedov kelissóz júrgizdi.
«Túrikmenstan basshylyǵynyń osy mańyzdy is-sharaǵa shaqyrýyn erekshe yqylaspen qabyl aldym. Erteń talqyǵa túsetin máseleler qazirgideı almaǵaıyp, bulyńǵyr jaǵdaıda ári Birikken Ulttar Uıymynyń 80 jyldyǵy aıasynda óte ózekti dep oılaımyn. Atalǵan forým tabysty ótetinine senimdimin. Bul basqosý Túrikmenstannyń jahandyq aýqymdaǵy ahýaldy turaqtandyrýǵa, sondaı-aq Ortalyq Azııadaǵy dostyq pen yntymaqtastyqqa negizdelgen qarym-qatynasty nyǵaıtýǵa qosqan taǵy bir eleýli úlesi bolmaq», dedi Qazaqstan Prezıdenti.
Memleket basshysy Túrikmenstan Prezıdenti Serdar Berdimuhamedovtiń jaqynda Qazaqstanǵa jasaǵan memlekettik saparyna oń baǵa berip, joǵary deńgeıde qol jetkizilgen ýaǵdalastyqtardy júzege asyrýdyń mańyzdy ekenin atap ótti.
Gýrbangýly Berdimuhamedov Túrikmenstannyń turaqty beıtaraptyǵynyń 30 jyldyǵyna oraılastyrylǵan forýmǵa qatysýǵa kelgeni úshin Qazaqstan Prezıdentine rızashylyǵyn bildirip, ekijaqty kún tártibiniń negizgi máselelerine toqtaldy.
«О́zara qarym-qatynas týraly sóz qozǵaǵanda, Túrikmenstan Prezıdentiniń jaqynda Qazaqstanǵa jasaǵan memlekettik saparyn aıtpaı ketýge bolmaıdy. Sapar joǵary deńgeıde ótti. Ekonomıka jáne mádenı-gýmanıtarlyq salalardaǵy yntymaqtastyq keleshegi talqylandy. Eki el yqpaldastyǵyn damytýǵa eleýli úles qosqanyńyz úshin Sizge alǵys aıtamyn. Sondaı-aq barsha baýyrlas qazaq halqyna izgi tilegimdi joldaımyn», dedi Túrikmenstan Halk Maslahatynyń Tóraǵasy.
