Nemis velosıpedshisi  

EKSPO-2017 kórme keshenin kórýge keldi Energııamen jabdyqtaý, ortalyqtan jylytý jáne telekommýnıkasııalar salasyndaǵy «jasyl» tehnologııalarmen aınalysatyn RTS nemis kompanııasynyń qyzmetkeri Folker Shtıýve EKSPO-2017 qurylys alańyna arnaıy saparmen keldi. Shildeniń basynda ol týǵan qalasy Bılefeldten (Germanııa) shyǵyp, Astanaǵa deıingi 5 200 shaqyrymdyq joldy jarys velosıpedimen júrip ótti. Shtıýveniń osyndaı saıahatqa shyǵýynyń basty maqsaty – Asta­nada ótetin halyqaralyq kór­meniń salynyp jatqan nysandarymen tanysyp, negizgi taqyryp «Bolashaqtyń energııasy» týraly kóp maǵlumattar alý. Velosıpedshi 40 kúnge sozylǵan saıahatyn 4 shilde kúni RTS kom­panııasynyń Bılefeldtegi shtab-páterinen bastady. Baltyq elderi men Reseı aýmaǵyn basyp ótken ol 8 tamyzda Astanaǵa jetti. Ony «Ekaterınbýrg-Astana» tasjolynda bir top jergilikti velosıpedshi qarsy alyp, elordanyń ortalyq kóshelerimen júrip ótti. Saıahatyn kórmeniń qurylys alańynda aıaq­taǵan Shtıýveni ol jerde «Astana EKSPO-2017» ulttyq kompa­nııa­synyń ókilderi kútip turdy. «Biz sizben EKSPO-2017 aýma­ǵynda qaýyshqanymyzǵa qýanysh­tymyz. Siz ekologııalyq taza kólik jáne jasyl tehnologııalar dáýiri bastalǵanynyń jarqyn úlgisin kórsetip otyrsyz. Astanada ótki­zi­le­tin kórme tájirıbe almasý men ınno­vasııalyq jetistikterdi kórsetýge arnalǵan jahandyq alań­ǵa aınalatyn bolady», – dep atap ótti «Astana EKSPO-2017» ult­tyq kompanııasynyń ókili Sáýle Bólebaeva. Sondaı-aq, qurylystyń qar­qyny týraly áńgimelegen ol qo­naq­qa arnaıy estelik syılyqtar tabys etti. Budan bólek, nemis velosıpedshisi salynyp jatqan nysandarmen tanysyp, keshendi aralap kórdi. Velojoryqtyń sońǵy 100 shaqyrymynda Shtıývege onyń áriptesi, RTS kompanııasynyń basshysy Dırk Shaýmbýrg qosyldy. Kompanııanyń geotermaldy jylý- men qamtamasyz etetin ónimi EKSPO-2017 nysandar qury­ly­s­y­n­da paıdalanylady dep jos­parlanǵan. Bul tehnologııa saly­nyp jatqan ǵımarattarda qolaı­ly aýa ortasyn qalypta us­taý úshin tereńdigi 120-130 metr­lik 85 uńǵymany burǵylaý kezin­de qoldanylatyn bolady. Kórme kesheniniń nysandary ishinde birinshi bolyp aıaqtalýy tıis «Kórmeni uıymdastyrý keń­sesiniń» qurylysy bitkennen ke­ıin atalǵan tehnologııanyń artyq­shylyqtaryn tolyq baǵalaýǵa múmkindik týady. «Qushaq jaıa qarsy alyp, ekskýrsııa uıymdastyrǵandaryńyz úshin alǵys bildiremin. Qazirdiń ózinde EKSPO-2017 jobasy óziniń aýqymymen, maqsaty bıik josparlarymen tańǵaldyrýda. Maǵan nysandardy 2017 jyly salynyp bitken kúıde kórý asa qyzyqty bolyp tur. Sondyqtan eki jyldan keıin otbasymmen Astanaǵa mindetti túrde kelemin. Qalaǵa kirgen boıda qolǵa alynǵan bastamalardyń aýqymdy ekenin baıqadym. Degenmen, sizderdi alda áli talaı jumystar kútip turǵany belgili. Keleshektegi ıgi isterińizdiń nátıjesi kútkendegiden asyp túsetinine senimdimin. Keshenmen tanysqannan keıin Qazaqstannyń qurylys barysynda qýat kóziniń tıimdiligine jáne ekologııalyq taza ónim men tehnologııalardy qoldanýǵa aıryqsha mán berip otyrǵanyna kóz jetkizdim», – deıdi Folker Shtıýve. EKSPO-2017 kórmesiniń taqy­ryby «Bolashaqtyń energııasy» ekendigin nazarǵa alǵan nemis saıa­hatshysy óziniń velojoryǵyn ekologııalyq taza tehnologııalardy qoldanýǵa qosqan úlesi dep esepteıdi. Elaman QOŃYR, «Egemen Qazaqstan».