Týrızm • 12 Jeltoqsan, 2025

Túrkııada qonaqúılerge tirkelý tártibi ózgerdi

10 ret

kórsetildi

1 mın

oqý úshin

2025 jylǵy 11 jeltoqsannan bastap Túrkııada jeke derekterdi qorǵaý jónindegi keńes jańa erejeler engizip, qonaqúılerge tirkelý kezinde pasporttardy kóshirýge tyıym saldy. Endi týrıst qonaqúıge kelgende tek óz qujatyn kórsetýi qajet, al qajetti málimetter (aty-jóni, pasport nómiri, kirgen jáne shyqqan kúnderi jáne basqa aqparat) tikeleı Ishki ister mınıstrliginiń birikken elektrondyq júıesine (YAZOK) engiziledi, dep habarlaıdy Egemen.kz.

Qyrmyzy JUMAǴALIQYZY

Túrkııada qonaqúılerge tirkelý tártibi ózgerdi

Foto: istockphoto.com

Atalǵan ózgeriske sáıkes, qonaqúılerge, motelderge jáne basqa da turý oryndaryn usynýshylarǵa túrik jáne sheteldik týrısterdiń tólqujattaryn sýretke túsirýge, skanerleýge nemese kóshirýge tyıym salynady. Buǵan deıin jınaqtalǵan pasport kóshirmeleri mindetti túrde joıylýy tıis. Bul shara derekterdiń syrtqa ketý qaýpin azaıtý jáne eski ádister boıynsha pasport kóshirmeleriniń ártúrli oryndarda saqtalýynan týyndaıtyn táýekelderdi joıý maqsatynda qabyldanǵan.

Endi qonaqúı qyzmetkerleri kelesi mindetterdi oryndaýy tıis:

Týrıstiń pasportyn nemese jeke kýáligin vızýaldy tekserý, sýreti men aty-jónin sáıkestendirý;
Barlyq qajetti aqparatty (aty-jóni, pasport nómiri, kirgen jáne shyqqan kúnderi jáne t.b.) YAZOK júıesine engizý.

Eger qyzmetker pasportty kóshirýdi talap etse, azamattar 2025 jylǵy 9 jeltoqsandaǵy jeke kýálikterdiń kóshirmelerin tirkeý týraly negizgi sheshimge (KVKK) súıene otyryp bas tarta alady. Sonymen qatar qujattyń túpnusqasyn kórsetip, qajet bolǵan jaǵdaıda, qonaqúı ákimshiliginen jazbasha túsinikteme nemese jeke derekterdi qorǵaý keńesine resmı saıt arqyly habarlasýdy suraı alady.