Galına Vıshnevskaıa kúmis júldeger atandy

ASTANA. 21 aqpan. Elimizdiń sportshysy Galına Vıshnevskaıa Belarýs astanasy Mınskide ótip jatqan bıatlonnan jastar arasyndaǵy álem chempıonatynda kúmis júldege qol jetkizdi. Bul týraly egemen.kz habarlady. Eki aınalymnan turatyn sprınterlik saıysta (7,5 shaqyrym) baq synaǵan otandasymyz jarys jeńimpazy fransııalyq Lena Arnodan 2,4 (0+0) sekýndqa qalyp qoıdy. Lena Arno jarys jolyn 20 mınýt 40,6 (0+0) sekýndta júrip ótken edi. Al úzdik úshtikti taǵy bir fransýz bıatlonshysy Hloe Shevale túıindedi. Ol márege jeńimpazdan 13,1 (0+0) sekýnd keshigip jetti. Osy synda el namysyn qorǵaǵan taǵy basqa sportshylarymyz Vıktorııa Bajenova (+3:12,1 (1+1)) men Valentına Saýlenko (+4:27,5 (2+2)) sáıkesinshe, 48 jáne 58-oryndardy mise tutty. Bul Galınanyń Belarýs elinde ótip jatqan álem chempıonatyndaǵy ekinshi júldesi. 17 aqpanda bastalǵan jarystyń úshinshi kúni ol 12,5 shaqyrymǵa sozylǵan jekeleı synda qola júldeger atanǵan edi. Mınskidegi saıys 24 aqpan kúni aıaqtalady. Elaman Qońyr. Derek: egemen.kz. Sýret: sports.ru.