Foto: Jetisý oblysy ákimdigi
Qaıtarylǵan 603 myń gektardyń ishinde aýyl sharýashylyǵy aınalymyna 431 myń ga tartylsa, qalǵan 172 myń ga jer kelesi jyldyń 1-jartysynda aınalymǵa tartylady.
Bul týraly oblys ákimi Beıbit Isabaev Ortalyq kommýnıkasııalar qyzmeti (OKQ) alańynda ótken brıfıng barysynda aıtty.
«Jetisý oblysy – agrarly aımaq. Bul salada óndirilgen ónimniń jalpy kólemi byltyr 3%-ǵa ósti. Bıyl ósim 5% bolady dep kútilip otyr. Jyl basynan beri aýyl sharýashylyǵyna 25 mlrd teńge ınvestısııa tartyldy. 2025-2027 jyldary oblystyń agroónerkásip kesheninde jalpy quny 94,4 mlrd teńgege 23 ınvestısııalyq jobany iske asyrý josparlanǵan. Onyń ishinde iri jobalardy atap ótsem, jalpy jobalyq qýaty 18,6 myń tonna bolatyn Panfılov jáne Kóksý aýdandarynda salynatyn eki qus fabrıkasy, Tekelidegi qýaty 4 myń tonnalyq jylyjaı, Taldyqorǵan qalasynda salynatyn jalpy qýaty 1,6 myń tonnalyq eki balyq sharýashylyǵy nysany bar», dedi Beıbit Isabaev.
Sonymen qatar veterınarııa salasyna da nazar aýdarylyp otyr. Bul rette 2023-2025 jyldary oblysta 67 veterınarııalyq pýnkt salynǵan.
