Delegasııa Qonaev dańǵyly jalǵasynyń ekinshi kezeń qurylysynda boldy. Bul kezeńdegi jol qurylysynyń uzyndyǵy 1.7 shaqyrymdy quraıdy. Qazirgi tańda Túrkistan kóshesinen Tereshkova kóshesine deıingi aýmaqtaǵy qurylys jumystary tolyq aıaqtalyp, kólik qozǵalysyna ashylǵan.
Qoǵam qaıratkeri Shalataı Myrzahmetov shahardyń kúre joldarynyń biri Qonaev dańǵyly –strategııalyq mańyzdy nysan ekenin aıtty. Dańǵyldyń kezeń-kezeńge bólingen jol qurylysy megapolıstegi kólik keptelisin azaıtqanyn málimdedi. Sondaı-aq qalada saıaly oryndar men saıabaqtar kóbeıip kele jatqanyn tilge tıek etti ardager.
Ardagerler ál-Farabı aýdany aýmaǵyndaǵy Qoshqar ata ózeni jaǵalaýynyń abattandyrý jumysymen de tanysty. Bulaq kózinen bastaý alǵan ózenniń jaǵalaýy bul kúnde Jangeldın kóshesine deıin abattandyrylǵan. Bıyl qosymsha Jangeldın kóshesinen ári qaraı taǵy 3.5 shaqyrymǵa jaǵalaýy kórkeıtildi. Turǵyndar shomylatyn oryndar da qarastyryldy. Qurylysta ózenniń flora, faýnasyn saqtaýǵa barynsha kóńil bólindi. Bul jumystarǵa qazynadan 1.4 mlrd teńge qarjy qaralypty.
ShYMKENT
