2025 jylǵy 12 jeltoqsanda keshki ýaqytta Pavlodar oblysynda aýa raıynyń kúrt nasharlaýyna baılanysty respýblıkalyq mańyzy bar birqatar avtojoldarda kólik quraldarynyń qozǵalysyna shekteý engizildi, - delingen habarlamada.
Saǵat 20:20-da qabyldanǵan sheshimge sáıkes, myna ýchaskeler ýaqytsha jabyldy:
- «Astana – Shiderti – Pavlodar – Ýspenka – RF shekarasy» avtojolynyń 200–308 shaqyrymy (Aqmola oblysynyń shekarasy – Ekibastuz qalasy);
- «Qyzylorda – Jezqazǵan – Qaraǵandy – Shiderti» avtojolynyń 1135–1206 shaqyrymy (Qaraǵandy oblysynyń shekarasy – Shiderti aýyly).
Pavlodar oblysyndaǵy qolaısyz aýa raıy Qaraǵandy oblysynyń da jol qozǵalysyna áser etti. Saǵat 20:30-da osy jaǵdaıǵa baılanysty respýblıkalyq mańyzy bar «Qyzylorda – Jezqazǵan – Qaraǵandy – Shiderti» avtojolynyń Qaraǵandy oblysy aýmaǵyndaǵy 1067–1135 shaqyrym aralyǵy
(Molodejnyı aýyly – Pavlodar oblysynyń shekarasy) jabylǵany habarlandy.
Sonymen qatar, respýblıkalyq mańyzy bar «Astana – Shiderti – Pavlodar – Ýspenka – RF shekarasy» avtojolynyń 159–200 shaqyrymy aralyǵynda (Ereımentaý qalasy - Pavlodar oblysynyń shekarasy) kóliktiń barlyq túriniń qozǵalysyna shekteý qoıylady.
Quzyrly organdardyń málimetinshe, barlyq atalǵan ýchaskelerdi 2025 jylǵy 13 jeltoqsan saǵat 06:00-de ashý josparlanyp otyr.
Júrgizýshilerge alys sapardy keıinge qaldyryp, aýa raıy men jol jaǵdaıyna qatysty resmı aqparattardy baqylap otyrý usynylady.
