Týyndyda birneshe jylǵa sozylǵan ǵylymı zertteý, dalalyq ekspedısııalar, etnografııalyq jáne derektik materıaldar qamtylypty.
Oblystyq tarıhı-mádenı murany zertteý ortalyǵynyń basshysy Tolybaı Dostybaevtyń aıtýyna qaraǵanda, 2017 jyly munaıly óńirdegi kıeli oryndardy ǵylymı turǵydan júıeleý jumysy qolǵa alynypty. Sodan beri dalalyq zertteý ekspedısııalary ár aýdanǵa, ár aýylǵa baryp, kıeli oryndardyń ornalasý geografııasyn túzipti.
«Bizdiń ekspedısııalar folklorlyq, etnografııalyq jáne tarıhı derekterdi jınaqtap, jańa málimettermen tolyqtyrdy. Áýlıe atalar kýltiniń qalyptasý sebepteri, halyqtyq ıslam dástúriniń óńirdegi erekshelikteri saralandy. Dalalyq zertteý júrgizý kezinde XIV–XIX ǵasyrlardaǵy zırattar men áýlıelerdiń qabirleri turǵyndar tyǵyz qonystanǵan aımaqtarda, atap aıtqanda, Jem, Saǵyz, Oıyl, Jaıyq sý aıdyndary jaǵalaýyna taıaý mańda, Edil-Jaıyq ózenderi aralyǵynda shoǵyrlanǵany anyqtaldy», deıdi T.Dostybaev.
Shyndyǵynda qazaq dalasynda kıeli ataýyna ıe bolǵan áýlıe-ámbıeler de, tarıhı oryndar da az emes. Tańǵajaıyp qasıeti bar atalar týraly ǵasyrdan-ǵasyrǵa, urpaqtan-urpaqqa jetken kóne derek te, ańyzǵa bergisiz áńgime de kóp. Atalǵan kitap-albomda osyndaı tarıhı málimetter men ańyz-áńgimeler de berilgen.
Atyraý oblysy
