Qytaıda Pýtın týraly klıpti kórýshiler kúrt kóbeıip keledi (vıdeo)

ASTANA. 11 mamyr. QHR lıderi Sı Szınpınniń Reseıge sapar shegýi qarsańynda Qytaıda Reseı men onyń «súıkimdi» prezıdenti Vladımır Pýtın týraly jurttyń bildirgen pikirlerin kórsetetin vıdeorolık jaryqqa shyqty. Bul týraly nemistiń Suddeutsche Zeitung gazeti habarlady. Basylymda jazylǵandaı, Reseıdiń «súıkimdi» prezıdenti qazir QHR-da orasan zor bedelge ıe. Rolıkti túsirýshi top suhbat alǵan jurttyń bári bir aýyzdan Reseıdi «óte kúshti lıder» basqaryp otyrǵanyna esh kúmándanbaıdy. Suraý salynǵandardyń basym bóligi Vladımır Pýtın eldi basqarǵaly beri «QHR men RF arasynda qarym-qatynastyń meılinshe tyǵyz jáne úılesimdi bola túskenine» senimdi. Qytaıdyń birqatar turǵyndary sonymen qatar Reseı basshysynyń qazirgi kezde qaıraty jaǵynan óte keremet ekenine toqtalady. Suhbat berý barysynda QHR turǵyndary sondaı-aq Pýtındi 9 mamyr merekesimen quttyqtap, «Moskva-Pekın», «Katıýsha» jáne «Takogo, kak Pýtın» degen ánderdi aıtqan. Vıdeorolıkke qatysýshylar budan bólek, «Reseıdiń arhıtektýrasy qyzyqty», «mýzykasy ózgeshe» degendi jetkizgen. Al bir áıel tipti «orystyń mádenıeti meniń janyma bala shaǵymnan jaqyn» degendi bildirgen. Rolık Qytaı lıderi Sı Szınpınniń Máskeýge Jeńis kúnin toılaý úshin júrýi qarsańynda daıyndalǵan. Qaırat Qulymbet. Derek, sýret: Suddeutsche Zeitung. https://youtu.be/W81rNfsZK2k