Jeltoqsan erlerine erekshe qurmet

Atap aıtqanda, 16–17 jeltoqsan qar­sańynda memlekettik mekemelerde, qala kitaphanalary men bilim me­kemelerinde taqyryptyq kezdesýler, patrıottyq, ádebı-mýzykalyq keshter, dóńgelek ústelder, tarıhı-tanym­dyq saǵattar, dárister, ádebı oqýlar men basqa da mańyzdy oqıǵalar legi bastalady.

Jyldaǵy buljymaıtyn dástúrmen Respýblıka alańyndaǵy Táýelsizdik monýmenti men «Táýelsizdik tańy» eskertkishine dástúrli gúl qoıý rásimi uıym­dastyrylady. Oǵan qala basshy­lyǵy, máslıhat depýtattary, Qoǵamdyq keńes músheleri, 1986 jylǵy kóteriliske qatysýshylar, etnomádenı birlestikter ókilderi jáne jastar qatysady. Al 17 jeltoqsanda qalanyń barlyq 8 aýdanynda 1986 jyly Jeltoqsan kóterilisinde qaza bolǵandardy eske alýǵa arnalǵan as beriledi.

Budan bólek, qala bıligi jastardy eljandy bolýǵa jeteleıtin tórt mem­lekettik áleýmettik jobany jú­zege asyryp, qaıyrymdylyq aksııa­laryn, sporttyq týrnırler, shyǵar­mashy­lyq, patrıottyq is-sharalar men taqy­ryptyq konferensııalar, baı­qaý­lar ótkizýdi kózdep otyr. Bul basta­ma­lar­dyń barlyǵy da tarıhı jadty saqtap, táýel­sizdik úshin kúresken býynnyń erligine qurmet kórsetip, osy qundylyqtardy jas urpaqqa dáripteýge baǵyttalǵan.

Osy oraıda Almaty qalasynyń ákimi Darhan Satybaldy Táýelsizdik kúni jáne Jeltoqsan kóterilisiniń 39 jyldyǵy qarsańynda 1986 jylǵy jeltoqsanshylarmen kezdesti. Ákim Almatynyń qoǵamdyq ómirine belsene úles qosyp júrgen jeltoqsanshylardyń patrıottyq ustanymyn, azamattyq pozısııasy men ulttyq qundylyqtarǵa beriktigine qoshemet kórsetti.

Kezdesý barysynda kópti tolǵandyr­ǵan áleýmettik-turmystyq máseleler kóterilip, qosymsha áleýmettik qoldaý sharalary talqylandy. Sonymen qatar Jeltoqsan kóterilisiniń 40 jyldyǵyna oraı qatysýshylardyń usynystaryn eskere otyryp, keshendi eske alý is-sharalarynyń jospary ázirlenbek. Ásirese ulttyq rýhty nyǵaıtýǵa, jastardy tárbıeleýge baǵyttalǵan tanymdyq ári patrıottyq bastamalarǵa basymdyq beriledi.

Kezdesý sońynda Darhan Satybaldy Memleket basshysy Qasym-Jomart Toqaevtyń bastamalaryn qoldap júr­geni jáne azamattyq qoǵamdy damy­týǵa qosqan eleýli úlesi úshin jel­toq­sanshylarǵa rııasyz alǵysyn bildirdi. Ákim atap ótkendeı, qala ákimdigi, máslıhat depýtattary men qoǵamdyq uıymdar júr­gizilip jatqan reformalardy júzege asyrý jáne qalany damytý boıynsha birlesken jumysty jalǵastyrady.

ALMATY