Eýrazııalyq ekonomıkalyq komıssııanyń málimetinshe, Úkimetaralyq keńes tek Ázirbaıjan, Belarýs jáne Qyrǵyzstanǵa tarıftik jeńildik bergen.
Belarýs eline 20 myń elektromobıldi kedendik alymsyz ákelýge ruqsat berildi. Ázirbaıjan men Qyrǵyzstanǵa árqaısysyna 15 myń elektrokar men gıbrıdti avtomobılge lımıt belgilendi.
Eýrazııalyq ekonomıkalyq komıssııanyń Saýda mınıstri Andreı Slepnev kedendik-tarıftik retteý sharasy ótken jyldary oń nátıje kórsetkenin atap ótti. Aıtýynsha, olar onyń ári qaraı elektromobıl naryǵyn qalyptastyrýǵa, zarıadtaý ınfraqurylymyn damytýǵa jáne Eýrazııalyq ekonomıkalyq odaq terrıtorııasynda ekologııalyq taza kóliktiń úlesin arttyrýǵa yqpal etetinine úmitti.
Aıta ketý kerek, jeńildikti tek osy úsh eldegi turylyqty azamattarǵa ǵana qoldana alady. Mundaı kólikterdi Qazaqstan men Reseı azamattaryna berýge tyıym salynǵan. Gıbrıdti kólikterge Armenııa men Qyrǵyzstanda qosymsha shekteý bar. Iаǵnı, kólikterdi Belarýs azamattaryna jáne turaqty turǵyndaryna berýge bolmaıdy.
Osylaısha, 2026 jyly Qazaqstan elektromobılderge kedendik jeńildik ala almaı qaldy.
