Qalada 1000 jańa beınebaqylaý kamerasy iske qosylyp, buǵan deıin ornatylǵan taǵy 500-ge jýyq kamera jasandy ıntellekt elementteri bar biryńǵaı zııatkerlik platformaǵa biriktirildi.
– Barlyq beıneaǵyn táýlik boıy úzdiksiz jumys isteıtin qalalyq jańa Jedel basqarý ortalyǵyna shoǵyrlandyrylady, – dep jazylǵan habarlamada.
Jedel basqarý ortalyǵy monıtorıng pen áreket etýdiń biryńǵaı núktesi retinde qalyptastyrylǵan. Munda polısııa departamentiniń qyzmetkerleri men ákimdiktiń kommýnaldyq qyzmetteri birlesip jumys atqarady.
Ortalyq mamandary abattandyrý, jol ınfraqurylymy, kommýnaldyq jeliler jáne qalalyq sharýashylyqtyń ózge de baǵyttary boıynsha turǵyndardyń ótinishterin jedel qabyldap, pysyqtaıdy.
Júıege azamattardyń jedel qyzmettermen shuǵyl baılanysýyna arnalǵan eki SOS batyrmasy, bıik ǵımarattarǵa ornatylǵan úsh joǵary dáldiktegi kamera, sondaı-aq quqyq buzýshylyqtardy avtomatty túrde tirkeıtin segiz mobıldi patrýl engizilgen. Olardyń biri jedel járdem kóligine ornalastyrylǵan.
– Qosshy 1,5 myń jasandy ıntellekti bar kamerany biriktiretin biregeı sıfrlyq platforma aıasynda toǵystyrǵan alǵashqy qala boldy. Bul Qosshy turǵyndary úshin quqyqtyq tártip pen qolaıly ortany qamtamasyz etetin ortalyq, – dedi Aqmola oblysynyń ákimi Marat Ahmetjanov.
