Pavlodarda mektep oqýshysy kishkentaı balany órtten qutqardy.

PAVLODAR. 21 aqpan. Pavlodar oblysynda mektep oqýshysy kishkentaı balany órtten qutqardy. Bul týraly egemen.kz tilshisi habarlady. Lenın kentindegi №33 mekteptiń oqýshysy Zeınep Qabylbek kórshi úıdiń qyzyl jalynǵa oranǵanyn kórip, dereý órt sóndirý bólimine habarlasqan. Qutqarýshylar kelgenshe, órt shyqqan úıge qaraı júgiredi. Esigi jabyq páterde qalǵan kishkentaı balany kórgen ol bar kúshimen esikti buzyp kirip, balany alyp shyqqan. Oblystyq tótenshe jaǵdaılar departamentiniń habarlaýynsha, sol sátte oqıǵa ornyna qutqarýshylar da jedel kelip jetedi. Apattyq medısına ortalyǵynyń brıgadasy 4 jasar Álıhan Sultanǵazıevti oblystyq balalar aýrýhanasynyń somatıkalyq bólimshesine jetkizdi. Qaraýyl bastyǵy Murat Bektasovtyń aıtýynsha, balany Zeınep Qabylbektiń erjúrek áreketi ǵana qutqaryp qalypty. Farıda Byqaı. Derek: egemen.kz. Sýret: nur.kz.