foto: olympic.kz
Is materıaldarynda aıyptalýshynyń bıyl qyrkúıek aıynda Ulttyq ulannyń úsh áskerı qyzmetkerine kúsh qoldanǵany aıtylady. Keshki saǵat 21.00 shamasynda dámhana mańynda toqtatqan patrýlderdiń suraqtaryna balaǵat sózben jaýap berip, kúsh kórsetken.
Atap aıtqanda bireýin keýdesinen ıterse, narıad bastyǵyn ıyǵynan qaǵyp jibergen. Al úshinshisiniń kózinen urǵan.
Pavlodar qalasyndaǵy qylmystyq ister jónindegi aýdanaralyq soty aıyptalýshyny kináli dep tanyp, úsh jylǵa bas bostandyǵynan aıyrdy. Dáýlet Shabanbaı jazasyn orta qaýipsizdikke ıe mekemede óteıtin bolady.
Aıta keteıik, 42 jastaǵy erkin kúres balýany Daýlet Shabanbaı sporttyq mansabyn bes jyl buryn Qazaqstan chempıonatynda aıaqtaǵan. Sol jarysta ol ekinshi oryn ıelengen.
Mańyzdy jetistikteriniń biri – 2012 jyly Londonda ótken jazǵy Olımpıada oıyndaryndaǵy qola medal. Alaıda sportshy bul laıyqty marapatty tek 2022 jyly Belgradta aldy. Buǵan Olımpıada júldegerleriniń ekeýi tyıym salynǵan preparattardy qoldanǵany úshin jarystan shettetilýi sebep boldy. Sol kezde 120 kelige deıingi salmaq dárejesinde týrnırdi besinshi orynmen aıaqtaǵan Qazaqstan sportshysy úshinshi orynǵa kóterildi.
Daýlet Shabanbaı Azııa chempıonattarynyń tórt dúrkin qola jáne kúmis júldegeri (2008, 2009, 2011, 2014, 2016 jyldar). Sondaı-aq 2014 jyly Azııa oıyndarynyń kúmis medalin jeńip aldy.
