Qalalyq polısııa departamentiniń málimetinshe, 14:00-den bastap elordadan barlyq baǵytta barlyq kólik túrleri úshin qozǵalys shekteldi.
Polısııa qyzmetkerleri júrgizýshilerdi jolǵa shyqpaýǵa, eldi mekender aýmaǵynda qalyp, qala shetindegi beketterge barmaýǵa shaqyryp otyr. Bul kólik keptelisteriniń aldyn alyp, kommýnaldyq jáne shuǵyl qyzmetterdiń jumysyna kedergi keltirmeý úshin qajet.
– Qabyldanǵan sharalar tıisti qyzmetterdiń jumysyn jeńildetip, qalanyń qalypty tirshiligin qamtamasyz etýge múmkindik beredi, – dep atap ótti polısııa ókilderi.
Quzyrly organdar turǵyndardy aýa raıy turaqtalǵanǵa deıin qaýipsizdik talaptaryn saqtaýǵa jáne resmı aqparat kózderinen habarlamalardy qadaǵalap otyrýǵa shaqyrady.
