Dúbirli dodada top jardy

Oblystyq balalar shyǵar­mashylyǵy orta­lyǵynda ótken «Bala Turkvizyon-Qazaqstan» halyq­aralyq balalar án baıqaýynyń irikteý kezeńinde júzdegen úmit­kerler arasynan 11 jastaǵy Dına Dııarat top jaryp, Ystambulǵa joldama aldy. Dúbirli dodanyń jeńimpazy shalǵaıdaǵy Ýálıhanov aýdanynyń Kishkenekól aýylynda turady. Kishkentaıynan án aıtýǵa qumar bolyp ósken tulymshaǵy jelbiregen Dına sahnanyń gúli dese de bolady. Altynaı Jorabaeva, Janar Duǵalova sekildi jeztańdaı ánshi ápkelerine uqsaýǵa tyrysyp, ustazy Nurbolat Janaıdyń aıtqandaryn qalt etpeıdi. Qazaqstannyń ónerli jastaryna bilim, ǵylym jáne mádenıet salalary boıynsha qoldaý kórsetip kele jatqan «Jandaný álemi» qorynyń bastamasymen uıymdastyrylyp júrgen atalmysh baıqaý 8-13 jas aralyǵyndaǵy daryndy balǵyndardy jurtshylyqqa tanytady. Olardyń dıskige jazylǵan ánderi bilim oshaqtaryna taratylady. Dınanyń túrki tilinde de áýelete shyrqaǵan ánderi qazylar tarapynan eń joǵary baǵa alyp, jeńimpaz retinde biraýyzdan tanyldy. – Jas ónerpaz Almatyǵa «Jul­dyzdar úıinde» kásibı mamandardan án aıtý­dyń qyr-syryna úırenedi. Eki aptalyq sheberlik sabaǵyn alǵannan keıin Túrkııanyń astanasynda ótetin «Bala Turkvizyon» baıqaýynyń grand-fınalynda el namysyn qorǵaıtyn bolady, – deıdi Dınanyń tálimger-prodıýseri Ádilhan Makın.  Alma QÝANDYQQYZY. Soltústik Qazaqstan oblysy.