Foto: ashyq derekkóz
Ánshi shyǵarmashylyq jolyn halyq jáne halyq kompozıtorlarynyń ánderin oryndaýdan bastady. «Gaýhar tas», «Jıyrma bes» syndy ánderi el júreginen oryn aldy. Keıin Latıf Hamıdıdiń «Bulbuly», Evgenıı Brýsılovskııdiń «Qos qarlyǵashy», Aleksandr Zasepınniń «Kóktem valsi» Bıbigúl Tólegenovanyń tólqujatyna aınaldy.
Ánshiniń balalyq shaǵy repressııa kezine tuspa-tus keledi. Ákesi naqaq atylyp ketedi. Alty jastan bastap jas Bıbigúl jeti balamen qalǵan jesir anasyna kómektesedi. Oqýmen qatar jumys isteıdi. Tynymsyz eńbektiń nátıjesinde Almatyǵa oqýǵa túsip, ómirlik jolyn aıqyndaǵan ustazdarymen kezdesedi. Olar ánshiniń áleýetin ashyp, jańa belesterge kóterilýine múmkindik berdi.
Ǵasyr qurdasyna aınalsa da ańyz ánshi áli de tyń. Byltyr Qaraǵandy qalasynda 95 jas mereıtoıyn ótkizgen Bıbigúl Ahmetqyzy orkestrmen birge jandy daýysta án shyrqady.
