Reseı Tergeý komıtetiniń málimetinshe, 16 jeltoqsan kúni tańerteń oqý oryndarynyń birinde kámeletke tolmaǵan jasóspirim mektep kúzetshisi men oqýshylardyń birine pyshaqpen shabýyl jasaǵan. Alǵan jaraqat saldarynan bastaýysh synypta oqıtyn bala kóz jumdy.
Ishki ister mınıstrliginiń deregine sáıkes, shabýyl jasaǵan oqýshy aldymen kúzetshiniń betine gaz ballonyn shashyp, keıin on jastaǵy oqýshyny jaralaǵan. Kúdikti ustalyp, tergeý organdaryna jetkizildi.
Oqıǵa boıynsha adam óltirý deregimen qylmystyq is qozǵaldy. Oqıǵa ornyna tergeýshiler men krımınalıster jiberildi. Sonymen qatar prokýratýra tekserý jumystaryn bastady.
Qaýipsizdik maqsatynda mektep oqýshylary ǵımaratqa qarama-qarsy ornalasqan Jastar úıine evakýasııalandy. Máskeý oblysyndaǵy bala quqyqtary jónindegi ýákil Ksenııa Mıshonova ata-analar men balalarǵa qajetti psıhologııalyq jáne ózge de kómekter kórsetiletinin málimdedi.
