foto: ashyq derekkóz
Úkimet otyrysynda Energetıka vıse-mınıstri Suńǵat Esimhanovtyń aıtýynsha, 2025 jyldyń qańtar–qarasha aılary aralyǵynda Qazaqstanda 91,9 mln tonna munaı óndirilgen. Bul ótken jyldyń osy kezeńimen salystyrǵanda 114,1 paıyzdy quraıdy. Sonymen birge munaı eksporttaý jospary da artyǵymen oryndalǵan.
Vıse-mınıstrdiń málimetinshe, 11 aıdyń qorytyndysy boıynsha munaı eksporty 73,4 mln tonnaǵa jetip, 2024 jylǵy sáıkes kezeńnen 116,1 paıyzǵa artqan. Osylaısha 2025 jylǵa belgilengen 70,5 mln tonna munaı eksporttaý jospary merziminen buryn oryndaldy.
Gaz salasynda da ósim baıqalady. Qańtar–qarasha aılarynda gaz óndirý kólemi 62,8 mlrd tekshe metrdi qurap, ótken jylmen salystyrǵanda 116,7 paıyzǵa jetti. Suıytylǵan munaı gazyn óndirý 2,8 mln tonna boldy, bul 101,8 paıyzdy quraıdy. El aýmaǵy arqyly gaz tranzıti 64,5 mlrd tekshe metrge jetip, ótken jyldyń deńgeıinen 100,9 paıyzǵa asty.
Munaı óńdeý jáne munaı-gaz hımııasy baǵytynda da oń dınamıka saqtaldy. Nefteprodýktiler óndirisi 14 mln tonnaǵa jetip, 106,5 paıyzdy kórsetti. Al munaı-gaz hımııasy ónimderin shyǵarý kólemi 567,6 myń tonnany qurap, 112,2 paıyz deńgeıinde qalyptasty.
