Foto: istockphoto.com
OpenAI ókilderiniń málimdeýinshe, ChatGPT Images modeli sýretterdi óńdeýde joǵary dáldikti qamtamasyz etip, usaq detaldardy anyq saqtaýǵa múmkindik beredi. Bul modeldiń basty ereksheligi – onyń ónimdiligi aldyńǵy nusqalarmen salystyrǵanda tórt ese jyldamdatylǵan. Paıdalanýshylar úshin sýretpen jumys isteý ınterfeısi de jańartylyp, sýrettiń naqty bólikterin belgilep óńdeý fýnksııasy qosylǵan.
«Bizdiń basty maqsatymyz – paıdalanýshylarǵa tek sýret salyp qana qoımaı, ony zergerlik dáldikpen basqarýǵa múmkindik berý. ChatGPT Images jyldamdyǵy men fýnksıonaldyǵy jaǵynan aıtarlyqtaı alǵa jyljydy. Endi kreatıvti ıdeıalardy júzege asyrý úderisi burynǵydan da ońaı ári jedel bolady», delingen habarlamada.
Qazirgi ýaqytta jańa múmkindik kópshilikke ashyq bolǵanymen, korporatıvtik klıentter úshin qoljetimdilik keıinirek josparlanǵan.
