Qazaq baspasóziniń tarıhy osydan 106 jyl buryn, ıaǵnı 1919 jyly alǵashqy sany oqyrman qolyna tıgen sátten bastap qalyptasty. Gazettiń qalyptasýy men damýyna Bernııaz Kúleıuly, Smaǵul Sádýaqasuly, Júsipbek Aımaýytuly, Muhtar Áýezov, Beıimbet Maılın, Sáken Seıfýllın sekildi ult zııalylary zor úles qosty. Sondaı-aq Turar Rysqulov, Oraz Jandosov, Ǵabıt Músirepov, Sherhan Murtaza jáne Ábish Kekilbaıuly syndy birtýar tulǵalar osy qara shańyraqta eńbek etip, basylym arqyly eldiń muńyn muńdap, joǵyn joqtady.
Gazettiń ataýy birneshe márte ózgerdi:
- 1921-1932 jyldary – «Eńbekshi qazaq»;
- 1932 jyldan bastap – «Sosıaldy Qazaqstan»;
- 1937 jyldan bastap – «Sosıalıstik Qazaqstan».
Al el egemendiginiń nyshany bolǵan qazirgi «Egemen Qazaqstan» ataýy tarıh jylnamasyna 1993 jyly jazyldy. Basylymnyń 100 jyldyq (2019 j.) jáne 105 jyldyq (2024 j.) mereıtoılary óz deńgeıinde joǵary deńgeıde atalyp ótti.
Búginde «Egemenniń» árbir sany men sarǵaıǵan paraqtaryndaǵy derekter jyl sanap emes, kún sanap qundylyǵyn arttyryp keledi.
