Táýelsizdik kúni merekesine oraı birqatar júrgizýshi kólikterin Memlekettik týmen bezendirip, jolǵa shyǵyp, ózderiniń azamattyq ustanymy men patrıottyq sezimderin kórsetti.
— Quqyqtyq turǵydan memlekettik týdy kólikke ornalastyrǵany úshin jaýapkershilik qarastyrylmaǵan, biraq qaýipsizdik talaptary men Jol júrisi qaǵıdalaryn saqtaý mindetti. Biraq keıbir azamattar merekelik sharalar barysynda jol qozǵalysy erejelerin buzyp, basqa qatysýshylarǵa kedergi jasap, kóshelerdi jaýyp tastady. Osyǵan baılanysty polısııa qyzmetkerleri zańǵa sáıkes sharalar qabyldaýǵa májbúr boldy.
Mysaly, 16 jeltoqsanda Shymkent jáne Almaty qalalarynda polısııa qyzmetkerleri kólikterge tý ilgen, alaıda jol erejelerin buzǵan birneshe kólikti toqtatty. Tekserý nátıjesinde júrgizýshiler kólikti basqarý quqyǵynsyz júrgizgeni, apattyq jaǵdaı týǵyzǵany jáne kólikti zańsyz jabdyqtaǵany úshin ákimshilik jaýapkershilikke tartyldy.
Bul sharalardyń Memlekettik týdy paıdalanýǵa qatysy joq. Sonymen qatar Almaty qalasynda polısııa qyzmetkerleri sharlarmen bezendirilgen qoǵamdyq kóliktiń júrgizýshisi men jolaýshylaryna olardyń adam ómiri men densaýlyǵyna qaýipti ekenin túsindirdi.
Sondaı-aq kólikti zańsyz toqtatýǵa baılanysty derekter tekserilýde. Kináli polısııa qyzmetkerleri qatań tártiptik jaýapkershilikke tartylady. Polısııa memlekettik rámizderge qurmetpen qaraıdy jáne azamattardy Jol qozǵalysy erejelerin saqtaýǵa, tek resmı málimetter men aqparat kózderine senýge shaqyrady, dedi IIM ÁPK-niń erekshe tapsyrmalar jónindegi aǵa ınspektory Aqtoty Boranova.
