Qytaı mıllıarderi 6 400 qyzmetkerin Fransııada tegin qydyrtty

ALMATY. 11 mamyr. 57 jastaǵy qytaı mıllıarderi Lı Szınıýan qol astyndaǵy 6 400 qyzmetkerdi Parıjge, Kókshil jaǵalaýǵa alyp kelip, tegin demaldyrdy. Lıdiń Qytaıdaǵy «Tıanshı» kásipornynda jumys isteıtin jumysshylarynyń teń jartysy osylaısha tosyn syıǵa ıe boldy. Bul týraly aǵylshynnyń Daily Mail gazeti habarlady. Qytaı týrısteri úshin bul kúni fransýz astanasynan 140 qonaq úıden oryn bosatylyp, ózge elderden kelýshi týrıster úshin ataqty Lývr mýzeıi bir kúnge jabyldy. Kókshil jaǵalaýda ornalasqan Kann jáne Monako qonaq úılerinen 79 tórt juldyzdy jáne bes juldyzdy jatyn oryndar aldyn-ala alynyp qoıyldy. Qytaı mılııarderi buǵan qosymsha qyzmetkerlerin Nıssa qalasyna alyp barý úshin 147 jaıly avtobýsqa tapsyrys bergen. «Tıanshı» kompanııasynda eńbek etetin qytaı jumysshy-týrısteriniń Fransııaǵa bul kúngi sapary ereksheligi jaǵynyn birden Gınnestiń rekordtar kitabyna jazyldy. Fılantrop Lı Szınıýannyń «Forbs» jýrnalyna bergen suhbatynda qazir ıeliginde 1 mıllıard dollary bar ekeni aıtylǵan. Qyzmetkerlerin Fransııada demaldyrǵan Lıdiń bul joly jumsaǵan qarajaty 33 mıllıon eýronyń tóńireginde degen boljam bar. Talǵat Súıinbaı. Derek, sýret: Daily Mail.