Aqtóbe oblysynda kásipkerlikti qoldaý ortalyǵy ashyldy

AQTО́BE. 23 aqpan. Aqtóbe oblysy Qobda aýdanynda kásipkerlerdi qoldaý maqsatynda arnaıy ortalyq qatarǵa qosyldy. Bul týraly egemen.kz tilshisi habarlady. Bul tolyqqandy kásipkerlikti qoldaý ortalyǵy bolyp tabylady. Munda bıznes ókilderine keń aýqymdy qyzmetter kórsetiledi. Ortalyqta kásipkerlikti qoldaıtyn ár túrli ınstıtýttardyń, turǵyndarǵa qyzmet kórsetý ortalyqtarynyń mamandary, zańgerler ornalasady. Zańgerler kásipkerlerge quqyqtyq-zańnamalyq keńes beredi. Ortalyqta bıznes ókilderine 20-dan astam qyzmet kórsetiledi. Kásipkerlikti qoldaý ortalyǵynda «Qazagromarketıng» AQ, oblystyq kásipkerler palatasy Qoba aýdandyq fılıalynyń keńesshileri, aýdandyq jumyspen qamtý ortalyǵy, aýdandyq turǵyndarǵa qyzmet kórsetý ortalyǵy, sáýlet, qala qurylys jáne qurylys, jer qatynastary bólimderi qyzmet kórsetetin bolady. Budan basqa keńesshiler bıznes jospar jazýǵa kómektesedi ári kásipkerlerge týyndaǵan máseleler boıynsha túsinik beredi. Satybaldy Sáýirbaı. Derek: egemen.kz. Sýret: bnews.kz.