Qazaqstanǵa keletin Islandııa oıynshylary belgili boldy

ASTANA. 23 naýryz. Endi bes kúnnen keıin Astanada fýtboldan Qazaqstan men Islandııa quramalary arasynda match ótedi. 2016 jylǵy Eýropa chempıonatyna irikteý týrnıri aıasyndaǵy oıynǵa elimizdiń bas komandasy tyńǵylyqty daıyndalýda. Bul týraly egemen.kz habarlady. Sondaı-aq, Islandııa úshin de atalǵan oıynnyń mańyzy joǵary. Toptyń kóshbasshylary sanalǵan Nıderlandy, Túrkııa syndy azýly quramalardy san soqtyrǵan skandınavtyqtar búginde joldamadan basty úmittilerdiń biri. Sonymen 28 naýryzda «Astana-Arenada» ótetin oıynǵa Islandııa quramasynyń jattyqtyrýshylar qosyny myna fýtbolshylarǵa senim artyp otyr: Qaqpashylar: Hannes Hadldorsson, Egmýndýr Krıstınsson, Ingvar Ionsson; Qorǵaýshylar: Bırkır Sevansson, Ragnar Sıgýrdsson, Karı Arnasson, Arı Skýlasson, Hadlgrımýr Ionasson, Ioýn Gýdnı Foýlıýsson, Herdýr Bergvın Magnýsson, Haýkýr-Heıdar Haýksson; Jartylaı qorǵaýshylar: Eıdýr Gýdonsen, Aron Gýnnarsson, Emıl Hadlfredsson, Bırkır Bıarnson, Iohan Berg Gýdmýndsson, Rıýrık Gıslasson, Gılfı Sıgýrdsson, Vıktor Paýlsson; Shabýylshylar: Kolbeın Sıgtorsson, Alfred Fınbogasson, Ioýn Dadı Bodvarsson, Vıdar-Orn Kıartansson. Aıta keteıik, Islandııa quramasynyń kóshbasshy oıynshysy, kezinde «Barselona» men «Chelsı» sapynda dop tepken 36 jastaǵy Eıdýr Gýdonsen ulttyq quramaǵa qaıta shaqyrtý alyp otyr. Sońǵy ret Gýdonsen qurama jeıdesin 2013 jyldyń qarasha aıynda kıgen eken Sodan beri ardager oıynshy óz týy astynda resmı oıyndarǵa qatyspaǵan. Islandııa quramasynyń bas jattyqtyrýshysy Lars Lagerbek ekeni belgili. Búginde onyń komandasy tórt oıynnan 9 upaı jınap, topta ekinshi orynǵa taban tirep tur. Al Iýrıı Krasnojan daıyndaıtyn Qazaqstan tórt oıynnan bir ǵana upaı oljalap, kósh sońynda keledi. Top basynda múldem upaı joǵaltpaǵan Chehııa quramasy turǵanyn aıta keteıik. Elaman Qońyr. Derek: egemen.kz. Sýret: sports.ru.