ATYRAÝ. 11 mamyr. Atyraý oblysynda granıt taqtalarǵa ekinshi dúnıejúzilik soǵysta qaza tapqan, sonymen birge, habarsyz ketken bozdaqtardyń esimi jazylǵan memorıaldyq keshen ashyldy. Bul týraly egemen.kz tilshisi habarlady.
Memorıaldyq keshen Atyraýdaǵy «Jeńis» saıabaǵynda ornalastyryldy. Keshende ornatylǵan granıt taqtalarǵa ázirge 24 680 bozdaqtyń esimi jazyldy. Oblys ákiminiń orynbasary Shyńǵys Muqannyń málim etýinshe, Atyraýdan ekinshi dúnıejúzilik soǵysqa 46 myńdaı adam attanǵan. Olardyń kóbi soǵysta qaza taýyp, habarsyz ketkenderdiń tiziminde tur. Týǵan elge oralmaǵandardy izdestirý jalǵasa beredi. Sol sebepten, deregi tabylǵandardyń esimin jazý úshin taqtalarda bos oryn qaldyryldy.
Joldasbek Shópeǵul.
Derek: egemen.kz.
Sýret: Rahym Qoılybaev.
