Jarystyń bas seriktesi – «Samuryq Qazyna» AQ, al, seriktesi «Sportqory» sportty qoldaý qory jáne «AlemAgro» kompanııasy.
Kýboktyń uıymdastyrýshylary – «Teńge ilý» federasııasy» RQB, Shymkent qalasynyń dene shynyqtyrý jáne sport basqarmasy.
Jarysqa 18-ge tolǵan jáne odan joǵary jas aralyǵyndaǵy 30 sportshy qatysty.
Jarysta «Jeti qut», «Bes beles», «Qos qulash» stılderi boıynsha sportshylar synǵa túsip, úzdikter anyqtaldy. Jarystyń basty ereksheligi 3 stıl boıynsha úzdikter jarysyp, úzdik teńge ilýshi anyqtaldy. Úzdik teńge ilýshi – Shymkent qalasynyń sportshysy Tóltaı Baqyt atanyp, óziniń sheberligin dáleldedi.
Atalǵan jarys, tuńǵysh ret ótýde jáne ár jyl saıyn ótkizý josparlanýda. Bul jarys sportshylar úshin ózderiniń myqtylyǵyn dáleldeýge zor múmkindik. Jarystyń turaqty túrde ótýi teńge ilý sportynyń damýyna oń septigin tıgizýde.
Teńge ilý federasııasyna prezıdent bolyp 2023 jyly qańtar aıynda Amangeldi Aqbatyruly saılanyp, teńge ilý sporty jyldan-jylǵa deńgeıi kóterilýde, sebebi 2023 jyldan beri jańa basshylyqpen 3 ret Azııa Kýbogy, 1 ret Azııa chempıonaty jáne 1 ret Álem chempıonaty uıymdastyrylyp halyqaralyq jarystar sany kóbeıýde.
Ulttyq sportymyz teńge ilý 2026 jyly Qyrǵyz elinde ótetin Kóshpendiler oıynynyń tizimine kirgenin habarlaımyz.
