AQTО́BE. 11 mamyr. Aqtóbe oblysy Hromtaý qalasynda Qazaqstan shahmat federasııasy men Eýrazııalyq top (ERG) birlesip, Uly Jeńistiń 70 jyldyǵyna arnalǵan is-sharalar aıasynda «Shebermen kezdesý» atty shahmat týrnırin ótkizdi. Oǵan Qazaqstan Respýblıkasy áıelder quramasynyń jattyqtyrýshysy, halyqaralyq grossmeıstr Pavel Kosýr arnaıy qatysyp, tájirıbesimen bólisti. Bul týraly egemen.kz tilshisi habarlady.
Saıys taý-ken-metallýrgııalyq kásiporyndary ornalasqan monoqalalarda shahmatty nasıhattaý maqsatynda uıymdastyryldy. Shara elimizde shahmat qozǵalysyn damytý baǵdarlamasy aıasynda ótkizildi. Shahmat federasııasy Eýrazııalyq toppen birlesip elimizde birqatar osyndaı aksııalardyń ótýine uıytqy bolyp keledi.
«Eýrazııalyq toptyń elimizdiń shahmat federasııasymen osyndaı ózara birlesken jobany júzege asyryp kele jatqanyna óte rızamyn. Bul shynymen óte sırek kezdesetin múmkindik, halyqaralyq dárejedegi grossmeıstermen oıyn oınaý – zor qýanysh. Bizdiń «Qazhrom» kompanııasy men Eýrazııalyq top ózderiniń qyzmetkerlerine únemi qamqorlyq kórsetip júretindigine rızashylyǵymdy bildiremin. Keıbir qatysýshylar úshin ataqty shahmatshymen búgingi kezdesý sheberlikterin damytýdyń jańa kezeńi boldy», – deıdi Dóń taý-ken baıytý kombınaty dırektorynyń orynbasary Saıdakbar Mavladhodjaev.
ERG qyzmetkerleri, olardyń otbasylary jáne Hromtaý qalasynyń turǵyndary halyqaralyq grossmeıstr Pavel Kosýrmen bir mezette blıs-týrnır ótkizdi. Nátıjesinde 1-oryndy Aqtóbe ferroqorytpa zaýyty №4 balqytý sehynyń operatory Meırambek Aqbalın, 2- oryndy elektr-jóndeý sehynyń aýysym sheberi Baýbek Qojanııazov, al 3-oryndy Dón taý-ken baıytý kombınaty «Molodejnaıa» shahtasynyń elektrolız mashınısi Rýslan Ospanov aldy.
Satybaldy Sáýirbaı.
Derek, sýret: egemen.kz.
