Bul shara Palmıra qalasynda amerıkalyq áskerı qyzmetkerlerge jasalǵan shabýylǵa jaýap retinde qolǵa alynǵan. Bul týraly AQSh Qorǵanys mınıstri Pıt Hegset málimdedi.
AQSh Qorǵanys mınıstriniń aıtýynsha, amerıkalyq áskerıler Sırııada «Iаstrebınyı ýdar» («Hawk Strike») dep atalǵan operasııany bastady.
— Búgin AQSh áskeri Sırııa aýmaǵynda IGIL sodyrlaryn, olardyń ınfraqurylymy men qarý-jaraq qoımalaryn joıý maqsatynda operasııa júrgizýdi bastady. Bul 13 jeltoqsanda Sırııanyń Palmıra qalasynda amerıkalyq áskerge jasalǵan shabýylǵa jaýap bolyp otyr, — dep jazdy Pıt Hegset X áleýmettik jelisindegi paraqshasynda.
Onyń sózinshe, bul áreket soǵystyń bastalýy emes, shabýylǵa berilgen qatań jaýap.
— Bul — soǵys jarııalaý emes, bul — kek. Prezıdent Donald Tramp basshylyǵyndaǵy AQSh óz azamattaryn qorǵaýda eshqashan kidirmeıdi. Eger álemniń kez kelgen núktesinde amerıkalyqtarǵa shabýyl jasalsa, biz kinálilerdi taýyp, olardy aıaýsyz joıamyz. Búgin biz jaýlarymyzdy anyqtap, kózin joıdyq. Jáne bul áreket jalǵasa beredi, — dedi Pentagon basshysy.
The New York Times basylymynyń jazýynsha, AQSh Sırııadaǵy áýe soqqylaryn juma kúni, 19 jeltoqsanda bastaǵan. Operasııaǵa joıǵysh ushaqtar, tikushaqtar men artıllerııalyq bólimsheler tartylǵan. Amerıkalyq sheneýniktiń aıtýynsha, «jappaı shabýyl» birneshe saǵatqa sozylyp, senbi kúni tańerteńge deıin jalǵasady.
Buǵan deıin AQSh prezıdenti Donald Tramp Palmıradaǵy shabýyl úshin jaýapty IGIL qatań jaýap alatynyn málimdegen bolatyn. Onyń aıtýynsha, Sırııa bıligi AQSh-tyń bul áreketterin tolyq qoldap otyr.
