Foto: istockphoto.com
Sońǵy táýlikte messendjerler men jeli qoldanýshylary arasynda úreı týǵyzǵan habarlamalarǵa baılanysty jedel izdestirý sharalary uıymdastyryldy. Tártip saqshylarynyń málimetinshe, qazirgi ýaqytta qalanyń barlyq mektepteri kúsheıtilgen baqylaýǵa alynǵan. Balalardyń qaýipsizdigi úshin bilim ordalarynda polısııa qyzmetkerleri kezekshilik atqaryp, barlyq saqtyq sharalary barynsha qatańdatyldy.
Qazirgi ýaqytta quzyrly organdar jalǵan aqparatty taratyp, jurtshylyqty dúrliktirgen tulǵalardy anyqtaý maqsatynda jedel-tergeý amaldaryn júrgizip jatyr. Qoǵamdyq tynyshtyqty buzyp, negizsiz úreı týǵyzǵandar zań aldynda qatań jaýap beredi.
Polısııa departamenti ata-analardy barynsha sabyr saqtaýǵa, arandatýshylyqqa boı aldyrmaı, tek resmı derekkózderge senýge shaqyrady. Vedomstvo ókilderi jaǵdaıdyń tolyqtaı baqylaýda ekenin jáne balalardyń ómirine eshqandaı qaýip joq ekenin qadap aıtty.
Aıta keteıik, osyǵan uqsas jalǵan habarlamalar buǵan deıin Aqtaý qalasy men Aqtóbe oblysynda da tarap, turǵyndardy alańdatqan bolatyn.
