Mamandardyń týystarymen júrgizilgen profılaktıkalyq jáne túsindirý jumystarynyń barysynda qyzdyń ájesi men ákesi balany óz qamqorlyǵyna alyp, otbasynda tárbıeleýge nıetti ekenderin bildirdi.
«Kishkentaı otandasymyzdy elge qaıtarý úshin Syrtqy ister mınıstrligimen birlese otyryp aýqymdy jumys atqaryldy. Biz sábıdiń jaqyn týystaryn anyqtap, ony Qazaqstanǵa qaıtarý týraly sheshimge qol jetkizdik. Qazirgi ýaqytta búldirshin óz úıinde, týǵandarynyń janynda», dep atap ótti Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Ol atalǵan jaǵdaıda shuǵyl áreket etýdi talap etti. Sebebi bastapqyda Ulybrıtanııanyń quzyrly organdary sábıdi sol jaqtaǵy bóten otbasyǵa asyrap alýǵa berý máselesin qarastyryp jatqan bolatyn. Qazaqstandyq tarap balanyń azamattyǵyn saqtap, týystarynan ajyrap qalmaýyn qamtamasyz etti. Sondaı-aq elge qaıtarý sharalary aıasynda balaǵa qazaqstandyq úlgidegi týý týraly kýálik rásimdeldi.
