Foto: Ashyq derekkóz
24 jeltoqsandaǵy Reuters málimetinshe, qymbat metaldar naryǵynda naǵyz rekordtar sherýi boldy. Altynnyń baǵasy bir sátte 4 525 dollarǵa deıin kóterilip, tarıh betindegi eń joǵary kórsetkishti tirkedi. Kúmis 72,7 dollarǵa, al platına 2 377,5 dollarǵa jetip, ınvestorlardyń tańdanysyn týdyrdy. Palladıı de sońǵy úsh jyldyq rekordyn jańartyp, 1900 dollarǵa jýyqtady.
Sarapshylar bul jaǵdaıdy álemdegi geosaıası turaqsyzdyqpen tikeleı baılanystyrady. Ekonomıkalyq belgisizdik kúsheıgen saıyn, iri kapıtal ıeleri aqshany senimdi aktıvterde – baǵaly metaldarda saqtaýdy jón kóredi. Buǵan qosa, AQSh-tyń paıyzdyq mólsherlemelerdi tómendetý týraly jospary metaldardyń qunyn odan ári aspandatyp jiberdi.
Statıstıka tańǵaldyrarlyq: jyl basynan beri altyn 70%-dan astam qymbattasa, kúmis pen platına baǵasy 150-160%-ǵa bir-aq sekirgen. Bul 1970 jyldardan bergi eń úlken qarjylyq dúmpý. Mamandar baǵaly metaldardyń «ámbebap qorǵanys aktıvine» aınalǵanyn jáne aldaǵy ýaqytta da suranys joǵary bolatynyn boljaıdy.
