Foto: gov.kz (ashyq derekkóz)
Ortalyq Azııadaǵy kóshbasshy
2025 jyldyń qorytyndysy boıynsha Qazaqstan vızasyz elder sany jaǵynan Ortalyq Azııada birinshi orynǵa shyqty. Elimiz bul kórsetkish boıynsha Qyrǵyzstan, О́zbekstan, Tájikstan jáne Túrikmenstandy basyp ozdy.
ICAO standarttaryna 95,7% sáıkestik
Qazaqstan pasportynyń senimdiligin 2025 jylǵy 30 tamyz ben 15 qyrkúıek aralyǵynda ótken avıasııalyq qaýipsizdik aýdıti de rastady. Nátıjesinde Qazaqstan – 95,7% sáıkestik kórsetti. Álemdik ortasha kórsetkish – 72%, Eýropadaǵy ortasha deńgeı – 87,9%. Bul kórsetkishter qujattyń jalǵan jasalýynan joǵary deńgeıde qorǵalǵanyn jáne halyqaralyq talaptarǵa tolyq saı ekenin bildiredi.
Jańa pasport: kúsheıtilgen qorǵanys pen barys beınesi
2025 jylǵy 3 shildeden bastap Qazaqstanda pasport pen jeke kýáliktiń jańartylǵan úlgileri berile bastady. Qujattarda qorǵanys deńgeıi aıtarlyqtaı kúsheıtildi. Atap aıtqanda:
- qosymsha qorǵanys elementteri engizildi;
- vızýaldyq jáne tehnologııalyq sıpattamalar kúrdelendirildi;
- qorǵanys elementteriniń biri retinde bars beınesi qoldanyldy.
Bul ózgerister jalǵan qujattardy tez anyqtaýǵa jáne otandyq pasportqa degen senimdi arttyrýǵa múmkindik beredi.
Barys nelikten tańdaldy?
Aslan Atalyqovtyń aıtýynsha, barys – memlekettiń sımvolıkasymen tyǵyz baılanysty beıne. Ol kúsh, turaqtylyq pen táýelsizdikti bildiredi.
Qarttar pasportty úıden shyqpaı-aq alady
IIM qyzmetterdiń qoljetimdiligin arttyrýǵa erekshe mán berip otyr. Egde jastaǵy jáne qozǵalysy shekteýli azamattar úshin úıge baryp qujat rásimdeý qyzmeti kórsetiledi. Sol oraıda, Kóshi-qon qyzmetiniń mamandary:
- mobıldi jabdyqpen azamattyń úıine barady;
- fotoǵa túsirip, qoltańbany sol jerde qabyldaıdy;
- HQKO-ǵa barý qajettiligin joıady.
2025 jyly qujat rásimdegen eń jasy úlken azamattar – 1915 jyly týǵan, Qostanaı, Aqtóbe oblystarynyń eki turǵyny. Ekeýi de 110 jasta.
Shetelde pasport alý – 30 kúnde júzege asady
Qazaqstanda qujattandyrý salasy belsendi túrde sıfrlandyrylyp jatyr. Qazirgi ýaqytta:
- elektrondy ótinish 99 sheteldik mekemede qabyldanady;
- qyzmet 71 elde qoljetimdi;
- shetelde pasport alý merzimi 6 aıdan 30 kúnge deıin qysqardy.
2025 jylǵy kórsetkishter
Jyl basynan beri Kóshi-qon qyzmeti – 1,9 mln jeke kýálikti, 1,1 mln Qazaqstan pasportyn, 303 myń balanyń pasportyn rásimdegen.
Pasport – memlekettiń bedeli
Búginde Qazaqstan pasporty – tek shekaradan ótý qujaty emes, ol memlekettiń bedelin, tehnologııalyq deńgeıin jáne halyqaralyq senimdiligin kórsetetin mańyzdy kórsetkishke aınaldy. Vızasyz elderdiń kóbeıýi, qorǵanystyń kúsheıýi jáne sıfrlandyrý Qazaqstan azamattarynyń álemge ashyqtyǵyn arttyryp otyr.
