Foto: gov.kz
Olar maıdangerge Qorǵanys mınıstriniń quttyqtaý haty men syılyqtar tabys etti.
«Soǵys ardagerleri erekshe nazar men qurmetke laıyq. Olardyń bizdiń ıgiligimiz úshin jasaǵan eńbegin baǵalap, alǵys bildirý óte mańyzdy», dedi Almaly aýdany qorǵanys isteri jónindegi basqarmasynyń top bastyǵy kapıtan Gúlsim Bakırova.
Egde tartqanyna qaramastan ardager qonaqtardy jaqsy kóńil-kúımen qarsy alyp, soǵys jyldaryndaǵy estelikteri týraly syr shertti.
Vasılıı Fomıch 1923 jyly 23 jeltoqsanda Altaı ólkesiniń Karpovo aýylynda dúnıege kelgen. Ol kishi avıasııa mamandary mektebinde oqyp, áýe atqyshy jáne radıst mamandyqtaryn meńgergen.
Jaýyngerlik jolyn 1944 jylǵy sáýirde bastaǵan. Ol derbes Prımorsk armııasynyń barlaý polkine jiberilip, keıin III Belarýs maıdany radıotorabynyń bastyǵy bolyp taǵaıyndalǵan.
Vasılıı Fomıch I dárejeli Otan soǵysy ordenimen, «Jaýyngerlik erligi úshin», «Kenıgsbergti alǵany úshin», «Germanııany jeńgeni úshin» jáne basqa da medaldarmen marapattalǵan. Vasılıı Shıpılev soǵystan keıin de áskerı qyzmetin jalǵastyryp, 1950 jyly zapasqa shyqqan.
Ardager maıdanger burǵylaý qondyrǵysynda jumysshy, keıin sheber bolyp jumys istegen. Makaron fabrıkasynda ter tóge júrip, 6-shy dárejeli slesar bolǵan. Osy jumys ornynda ol jubaıy Valentınany kezdestirip, otaý qurǵan. Ekeýi 62 jyl birge ómir súrip, Rımma, Olga jáne Irına atty úsh qyzdy tárbıelegen. Olardan alty nemere jáne shóbereleri bar.
