Aldyn ala barlaý jumysynda aýyldyń ońtústiginde 100-den astam ártúrli kólemdegi qorǵan tirkelgen. Barlyǵyna emes, arheologter eń iri qorǵanǵa zertteý júrgizdi. Nátıjesinde, asa qundy arheologııalyq jádigerler tabylǵan. Atap aıtsaq, qorǵannyń kireberisinen altyn jáne qola buıymdar kózge túsken. Anyqtalǵandaı, bul buıymdar jylqy ábzeliniń áshekeıleri bolyp shyqqan. Olardyń qatarynda jarty aı pishindi jáne úshburyshty japsyrmalar, jyrtqysh qustyń basy beınesindegi áshekeıler, oıý-órnekti qaptamalar, qońyraý tárizdi salpynshaqtar bar. Sonymen qatar qola aýyzdyqtar, úlbiregen altynmen qaptalǵan temir aýyzdyqtar, aıyl bólikteri jáne arqar beınesindegi altyn japsyrma tabyldy. Ásirese arqar músindi japsyrma erekshe kózge túsedi. Buıymdardyń ornalasýyna qaraı jylqy ábzelderi arnaıy rásimmen qoıylǵany baıqalǵan.
О́kinishtisi, jerleý orny buryn tonalǵandyqtan, adam súıekteri saqtalmaǵan. Degenmen tabylǵan zattyq materıaldardy zertteı kele, analogııalyq derekke súıense, qorǵan erte saq kezeńine jatady eken.
Aıta ketsek, Aqjaılaýdyń altyndary Oblystyq tarıhı-ólketaný mýzeıiniń qoryna tapsyryldy.
О́SKEMEN
