Júrek jylýyn sezingen jandar

Alaıda mundaı muńlyq jandar qoǵam ómirinen shet qalǵysy kelmeıdi. О́ıtkeni biriniń óneri, keıbiriniń sportqa beıimi bar. Jaqynda osyndaı adamdar arasynda alǵash ret «Júrek jylýy» baıqaýy ótti. Maqsat – qıyndyqqa ushyraǵan adamdarǵa qoldaý bildirip, shyǵar­mashylyq áleýetin damytý.

Oblys ákimi Serik Shápkenovtiń aıtýynsha, Memleket basshysynyń Joldaýyndaǵy basty mindettiń biri – áleýmettik ádilettilik pen ın­klıýzıvti qoǵam qurý. Osyǵan oraı múmkindigi shekteýli jandardyń ómir súrý sapasyn arttyrýǵa, sapaly bilim alyp, eńbekke aralasýy men shyǵarmashylyq áleýetin damytýǵa basymdyq berilip otyr.

– Baıqaýǵa qatysqan ár úmitker – jeńimpaz. О́ıtkeni bul baıqaý rýhtyń kúshi men jigerdiń qýatyn, ómirge degen qushtarlyqty úlgi etedi. Taǵdyrdyń aýyr synaǵyna moıymaı, eren erik-jiger tanytyp kele jatqan múmkindigi shekteýli jandardyń turmysyn jaqsartýǵa úles qosý – ıgilikti is, deıdi S.Shápkenov.

Baıqaýǵa qatysýshylardyń árqaısysy belsendiligimen, qaıy­rymdy isimen tanymal. Sondaı jannyń biri Tynysh Jaqypova «О́mir gúli» qoǵamdyq birlestigin basqarady. Oǵan birneshe jyldan beri múgedektigi bar balalardyń ónerin ushtaýǵa qosqan úlesi úshin «Meıirimdi júrek» atalymy berildi.

«Shabyttandyrýshy otbasy» atalymyna ıe bolǵan Zaıda Nuǵymanovanyń 23 jastaǵy erek­she uly bar. Ol erekshe kú­timdi qajet etetin ulyn qoǵam­nan al­shaqtamaýǵa beıimdep, shyǵar­ma­shylyq qabiletin shyńdap keledi. Oblystyq, respýblıkalyq, halyq­aralyq baıqaýlarǵa aparǵan uly birneshe ret júldeli orynǵa ıe bolǵan.

Segiz jasar Oljas Berik sport­tyń birneshe túrin serik etip, túrli jarysqa qatysyp júr. Balǵyn sportshynyń bul talaby «Sport-tyq jiger» atalymyna laıyq dep tanyldy. Onyń qatarlasy Raıana Málikova bımen shu­ǵyldanady. Al 11 jasar Nurıslam Ámirhanuly án aıtady. О́nerimen kópshilikti tánti etip júrgen qos óren «Jyl talanty» atandy.

«Jyl serpini» atalymyna 15 jastaǵy Nurdáýlet Jeńis ıe boldy. Ol bıdi kelistire bı­leıdi. Fýtboldy da keremet oınaıdy. Komandalastarymen birge res­pýblıkalyq týrnırdiń jeńimpazy atanǵan.

17 jastaǵy Jaınar Qamysbaı mádenı, shyǵarmashylyq baǵyttaǵy jobalarda jas kóshbasshyǵa laıyq belsendiligimen kórinip júr. Sán úlgisin usynady. Sport pen qolónerdi jany súıedi. Mobı­lografııa salasynda qoltańbasy bar. Zamandastaryna úlgi kórse­tip júrgen boıjetken «Jas kósh­basshy» atalymynda ozyp shyqty.

Atyraý oblysy