Eskertkish taqtanyń ashylý rásimine Densaýlyq saqtaý mınıstri Aqmaral Álnazarova men Uldana Myrzýannyń anasy Sálıma Ishanqulqyzy, týystary jáne jedel medısınalyq járdem stansııasynyń qyzmetkerleri qatysty.
«Uldana Qaldarhanqyzy 2017-2021 jyldary Astana qalasyndaǵy «Danalyq» kolledjinde emdeý isi mamandyǵy feldsher biliktiligi boıynsha bilim alyp, oqý ornyn úzdik dıplommen bitirgen. Búgin sol kolledjde Uldananyń atyndaǵy arnaıy aýdıtorııa ashylady. Oqý bitirgeli 4 jyl kóleminde ómiriniń sońyna deıin Astana qalalyq Jedel medısınalyq járdem stansııasynda eńbek etti. Jas bolsa da, kásibı adaldyǵymen kózge túsken jáne shuǵyl jaǵdaılarda óz betinshe sheshim qabyldaı alatyn bilikti mamanǵa aınaldy. Uldana Qaldarhanqyzynyń týǵan-týystaryna, anasyna, jaqyndaryna, jubaıyna, jedel járdem qyzmetkerleri ujymyna Qazaqstandaǵy medısına salasynda jumys istep júrgen 300 myńnan asa qyzmetkerdiń atynan, óz atymnan qaıǵyryp, kóńil aıtamyn», dedi mınıstr.
Sonymen qatar mınıstr Uldana Myzýannyń esimi otandyq medısına tarıhynda jazylatynyn atap ótti.
Uldana Myrzýannyń anasy Sálıma Ishanqulqyzy marqum qyzyna qurmet kórsetilip jatqany úshin Densaýlyq saqtaý mınıstri men medısına salasynyń qyzmetkerlerine alǵysyn aıtty.
Astana qalalyq jedel medısınalyq járdem stansııasynyń qyzmetkerleri eskertkish taqta aldyna gúl shoqtaryn qoıdy.
Eskertkish taqtanyń ashylýynan keıin jedel medısınalyq járdem stansııasy mekemesinde jaıylǵan dastarqan basynda Astana qalasyndaǵy Sheıh Kýnta qajy meshitiniń bas ımamy Bekqoja О́mirzaq marqumnyń rýhyna arnap Quran baǵyshtady.
Esterińizge sala keteıik, kásibı qyzmetin atqarý barysynda aýyr jaraqat alǵan feldsher Uldana Myrzýan 18 qarasha kúni aýrýhanada qaıtys bolǵan edi.
Sol kúni, 18 qarashada, Qasym-Jomart Toqaev Uldana Myrzýandy «Erligi úshin» medalimen nagradtady. Astana ákimdigi onyń otbasyna jan-jaqty kómek kórsetiletinin, materıaldyq qoldaý men barlyq rásim shyǵyndary óteletinin málimdedi.
Májilis kýlýarynda Densaýlyq saqtaý mınıstri Aqmaral Álnazarova feldsher Uldana Myrzýan oqyǵan medısınalyq kolledjdegi dárishanaǵa onyń esimin berý josparlanyp otyrǵanyn habarlaǵan edi.
