Maqashevanyń aıtýynsha, Qazaqstanǵa syrttan ákelinetin kólikterdiń baǵasy ósedi. Al otandyq óndiristegi kólikterdiń qunyna jańa zaýyttyń iske qosylýy áser etedi.
«Ásirese, Qazaqstandaǵy resmı dılerler arqyly satylatyn jańa ımporttyq kólikterdiń baǵasy 4–5 paıyzdan artyq kóterilmeıdi dep kútilýde. Al otandyq óndiristegi keıbir modelder boıynsha baǵanyń tómendeýi baıqalady. Almaty qalasynda jańa mýltıbrendtik zaýyt ashylǵannan keıin kólikterdiń baǵasy modelge baılanysty 2-17 paıyzǵa arzandady», dedi Maqasheva.
Qazirgi ýaqytta adam ómirin saqtandyryp, jol apatynan qaza tapqan jaǵdaıda saqtandyrý tóleminiń eń joǵarǵy mólsheri shamamen 7 mıllıon teńgeni quraıdy. Depýtattar bul somany eki esege arttyrýdy usynyp otyr. Májilis depýtatynyń sózinshe, zań jobasyn Úkimet qoldaǵan.
Atap aıtqanda, birinshi toptaǵy múgedektigi bar adamdar úshin tólem mólsheri 1600 aılyq eseptik kórsetkishten 3200 aılyq eseptik kórsetkishke deıin ósedi, bul shamamen 12,5 mıllıon teńge. Ekinshi toptaǵy múgedekter úshin tólem 1200-den 2400 aılyq eseptik kórsetkishke (9,4 mıllıon teńge) artady, al úshinshi top úshin 500-den 1000 aılyq eseptik kórsetkishke (3,9 mıllıon teńge) deıin kóteriledi.
