Sýret: ulysmedia.kz
Qarakóz qandastardyń 44,5%-y О́zbekstannan, 43,6%-y Qytaıdan, 4,1%-y Túrikmenstannan, 3%-y Mońǵolııadan, 2,5%-y Reseıden, 2,3%-y basqa elderden kelgen. 1 jeltoqsandaǵy jaǵdaı boıynsha eńbekke qabiletti jastaǵy etnostyq qonys aýdarýshylar sany 57,4%-dy, eńbekke qabiletti jastan kishi 34%-dy, zeınetkerler 8,6%-dy quraıdy.
Eńbekke qabiletti jastaǵy qandastardyń 15%-y joǵary bilimdi, 27,6%-y orta kásibı bilimdi, 51,1%-y jalpy orta bilimdi, 6,3%-nyń bilim joq.
Atamekenine oralǵan qandastar elimizdiń túrli óńirlerine qonystandy. Negizinen eńbek kúshi tapshy Aqmola, Abaı, Qostanaı, Pavlodar, Atyraý, Batys, Shyǵys, Soltústik Qazaqstan oblystaryna ornalastyryldy. Qonystandyrý óńirlerinde bıylǵa arnalǵan qandastardy qabyldaý kvotasy 2 309 adamdy quraıdy. 1 jeltoqsanǵa deıin qonystandyrý óńirlerine 2 218 azamat kóship keldi.
Kóship-qonýǵa sýbsıdııa túrinde bir mezgilde otaǵasyna, otbasynyń árbir múshesine 70 AEK (275,2 myń teńge) mólsherinde, turǵyn úı jaldaýǵa, kommýnaldyq qyzmetterge aqy tóleýge – bir jyl ishinde 15-ten 30 AEK (59 myńnan 118 myń teńgege deıin) mólsherinde memlekettik qoldaý sharalary usynylady. Jyl basynan beri 1279 qandasqa túrli qoldaý sharalary kórsetildi. 356 adam turaqty jumysqa ornalastyryldy. Sonymen qatar erikti qonys aýdarýdyń tıimdiligin arttyrý maqsatynda azamattardy soltústik óńirlerge qonys aýdarýǵa qatysatyn jumys berýshilerdi qoldaýǵa qatysty ınstıtýsıonaldyq sharalar qabyldandy. Turǵyn úı satyp alý, salý, ıpotekalyq turǵyn úı qaryzdarynyń bastapqy jarnasynyń bir bóligin jabýǵa arnalǵan ekonomıkalyq utqyrlyq sertıfıkaty turǵyn úı qunynyń 50%-y nemese bir otbasyna 4,56 mln teńgege deıingi mólsherde birjolǵy óteýsiz, qaıtarymsyz negizde berildi.
