О́zimizdiń ónim

О́skemendikter óńir óndirýshilerin qoldaıdy Memleket basshysy Nur­sultan Nazarbaev Úkimettiń keńeıtilgen otyrysynda otan­dyq taýar óndirýshilerdi qoldaý maqsatynda «Qazaqstanda jasalǵan» jalpyulttyq aksııa­syn ótkizý jóninde tapsyrma bergen bolatyn. Osy oraıda barsha otandastarymyzben birge óskemendikter de «Qazaqstanda jasalǵan» aksııasyna belsendi túrde ún qosýda. Qazirgi kezde oblys ortalyǵyndaǵy barlyq saýda jelileri men dúkenderde otandyq taýar óndirýshilerdiń ónimderi suranysqa ıe bola bas­tady. О́ıtkeni, kez kelgen sýpermarket pen saýda nysandaryna kirip barsańyz, qarsy aldyńyzdaǵy otandyq ónimder qoıylǵan sórelerdegi «Qazaqstanda jasalǵan. О́z elińdi qolda!» degen jazýlar qarsy alady. – О́skemen qalasynyń ká­sipkerleri «Qazaqstanda ja­sal­ǵan» aksııasyna úlken qoldaý kórsetip otyr. Búginde shahar­­daǵy iri saýda núkteleriniń barlyǵynda atalǵan aksııanyń tóltańbasy men jazýlary bar bannerler qoıyldy, – dedi qa­lalyq kásipkerlik bóliminiń basshysy Baýyrjan Nurǵazın. Sondaı-aq, saýda nysandarynda jergilikti taýar óndirýshilerdiń ónimderi satyp alýshylarǵa qolaıly oryndarǵa ornalastyryldy. Al «Fresh-Market» saýda gastronomyndaǵy azyq-tú­liktiń negizgi bóligi jergilikti ká­sip­oryndardyń ónimderi. Áý bas­ta atalǵan gastronom shy­ǵysqazaqstandyq fermerlerdi qol­daý baǵytynda qurylǵan bo­latyn. Onda ár senbi saıyn jer­gilikti taýar óndirýshiler óz ónimderin tómen baǵada usy­na­tyn jármeńkeler ótkizilip turady. Qala turǵyndarynyń da osy úrdiske úırenip, kóbinese jer­gilikti óndirýshilerdiń ónim­derin surastyryp jatqanyn jıi ańdaımyz. «Qazaqstanda ja­salǵan» jalpyulttyq aksııasy osy qoldaýdy odan ári jandandyra tústi. – Dúkenderge kirip kelgende, aldyńyzdan «Qazaqstanda ja­salǵan. О́z elińdi qolda!» degen jazýy bar belgiler qarsy alady. Oǵan nazar aýdarmaý múmkin emes. Bul saýda jasaýshylar, satyp alýshylar úshin óte qolaıly. Iаǵnı, qaı jerden otandyq ónimderdi alýǵa bolatynyn tez bile qoıasyz. Men únemi ózimizdiń óńirde óndiriletin, Qazaqstanda shyǵarylatyn ónimderdi tań­daımyn. О́ıtkeni, ózgelerden góri, ózimizdiń óndirýshilerge senemin, – deıdi qala turǵyny Raıhan Jańylhanova. Atalǵan sharany uıym­das­tyrýshylar jalpyulttyq aksııa aıasynda turǵyndardyń elimizde qandaı ónimder óndi­riletininen de jan-jaqty habardar bolyp jatqanyn jetkizdi. Dýman ANASh, «Egemen Qazaqstan». О́SKEMEN.