Sýret: profsouzsenim.kz
Bul salada tek dárigerlik kómek qana emes, ár adamǵa meıirimmen, qaıyrymmen, qurmetpen qaraý kerek. «Aq sısa» ujymynyń basty muraty – múgedektigi bar azamattardy syrqatynan aıyqtyryp, qatarǵa qosý. Mekemede júıke keseline, sozylmaly aýrýlarǵa shaldyqqan naýqastar da emdeledi.
Ortalyqtyń jetekshisi Áıgerim Jumkenqyzy basqaratyn ujymda óz isine adal, kásibine myǵym, bilikti mamandar eńbek etedi. Dáriger-reabılıtolog Aıgúl Tursynqyzy, terapevt Samal Baýyrjanqyzy, nevrolog Aıman Ubashqyzy, kardıolog Ádil Jumaǵalıuly, synyqshy dáriger N.Qazken, logoped-defektolog Marjan Tóleshqyzy, dene shynyqtyrý mamandary Denıs, Damıra, Zarına, Erbol, Gúldana, Janzada syndy bilikti dárigerlerge alǵysym sheksiz. Bulardan bólek, óz isiniń bilgiri, eńbegin adal atqaryp, kópshiliktiń alǵysyna kenelip júrgen meıirbıkeler Tolqyn Hasenqyzy, Márııam Ǵabbasqyzy, Kamıla Polatqyzy, Qarlyǵash Jatqyzy, Zarına, Balqııa, Ardagúl, Dılıara ortalyqqa kelýshilerdi jyly júzben qarsy alady. Ońaltý ortalyǵynyń ákimshilik qyzmetkerleri Maral men Mádına árbir em qabyldaýshyny der kezinde ornalastyrady.
Ońaltý ortalyǵy ashanasynyń tazalyǵy men as máziri týraly áńgime bólek. Tártip ornaǵan jerde árdaıym tazalyq saqtalady. Aspazdardyń qolymen pisirgen as-aýqaty, ázirlegen ár taǵamy til úıiredi. Bul shıpajaıǵa tek kerekýlikter ǵana emes, Aqtóbe, Soltústik Qazaqstan, Batys, Qazaqstan, Qaraǵandy oblysynan da emdelýshiler kelip janyna shıpa tabady. Elimizdegi irgeli kásiporyndar osyndaı ıgilikti isti júzege asyryp, syrqatqa shaldyqqan jandardyń kóńiline medeý bolyp otyrǵan mekemege qarasyp, qoldaý kórsetse deımin.
Búrkit ShOMANOV,
III dárejeli «Kenshi dańqy» belgisiniń ıegeri, eńbek ardageri
Pavlodar oblysy
